ৰুণুমী (চলচ্চিত্ৰ)

অসমীয়া ৱিকিপিডিয়াৰ পৰা
(ৰুণুমীৰ পৰা পুনঃনিৰ্দেশিত)
Jump to navigation Jump to search
ৰুণুমী
পৰিচালক সুৰেশ চন্দ্ৰ গোস্বামী
প্ৰযোজক লক্ষী বৰঠাকুৰ, বোধেশ্বৰী গোস্বামী
লেখক সুৰেশ চন্দ্ৰ গোস্বামী
অভিনয়ত কনকলতা শ‍ইকীয়া
নেয়িমুদ্দিন আহমেদ
সুৰেশ গোস্বামী
ইন্দ্ৰেশ্বৰ বৰঠাকুৰ
হিৰণ্ময়ী দেৱী
সংগীত পৰিচালক দৰ্পনাথ শৰ্মা
চিত্ৰগ্ৰহণকাৰী নলিন দুৱৰা
ষ্টুডিঅ’ ইন্দ্ৰলোক ষ্টুডিঅ', কলিকতা
মুক্তি ১৯৫২
দেশ অসম,  ভাৰত
ভাষা অসমীয়া

ৰুণুমী (ইংৰাজী: Runumi) অসমীয়া ভাষাত নিৰ্মিত নৱমখন অসমীয়া চলচ্চিত্ৰ। এই চলচ্চিত্ৰখন সুৰেশ চন্দ্ৰ গোস্বামীয়ে পৰিচালনা কৰিছিল আৰু ১৯৫২ চনত মুক্তিলাভ কৰিছিল। চলচ্চিত্ৰখন হেনৰিক ইবছেনৰ ৰচিত নাটক "দা ৱাৰিয়ৰ্ছ এট হেলগেলেণ্ড" (The Warriors at Helgeland) ওপৰত ভিত্তি কৰি নিৰ্মান কৰা হৈছিল[1][2][3][4]জয়মতী চলচ্চিত্ৰৰ পাছত এইখন দ্বিতীয় অসমীয়া চলচ্চিত্ৰ যিখন ষ্টুডিঅ’ৰ বাহিৰত চিত্ৰগ্ৰহণ কৰা হৈছিল। চলচ্চিত্ৰখনত মূখ্য চৰিত্ৰসমূহত কনকলতা শ‍ইকীয়া, নেয়ীমুদ্দিন আহমেদ, সুৰেশ গোস্বামী, ইন্দ্ৰেশ্বৰ বৰঠাকুৰ, হিৰণ্ময়ী দেৱী আদিয়ে অভিনয় কৰিছিল। চলচ্চিত্ৰখনৰ চিত্ৰগ্ৰহণ ঠাই আছিল অসম আৰু নাগালেণ্ড (তেতিয়াৰ অসমৰ নাগা পাহাৰ)[1][3][4]


১৯৫২ চনত নিষিদ্ধ[সম্পাদনা কৰক]

১৯৫২ চনত ৰুণুমী কথাছবিখন যোৰহাটৰ আৰতি টকীজ-ত মুক্তি দিয়া হৈছিল। চলচ্চিত্ৰখনে দৰ্শকৰ এটা ভাল সঁহাৰি পাইছিল[1] যদিও কেইমাহ মানৰ পাছতে তেতিয়াৰ বিষ্ণু ৰাম মেধি নেতৃত্বাধীন চৰকাৰে হঠাত ছবিখন নিযিদ্ধ ঘোষণা কৰে। চৰকাৰে চলচ্চিত্ৰখন নিষিদ্ধ কৰাৰ একো দৰ্শোৱা নাছিল[1][2][4]

চলচ্চিত্ৰখন আহৰণ[সম্পাদনা কৰক]

নিষিদ্ধ কৰাৰ পাছত, গোস্বামীৰ সম্পৰ্কীয় ভাতৄ লক্ষ্মীনাথ বৰঠাকুৰে চলচ্চিত্ৰখনৰ কপি আনি কিছুমান চাহ বাগানত অবৈধ ভাৱে প্ৰদৰ্শন কৰে আৰু তাৰ পাছত পৰা বৰঠাকুৰৰ ঘৰৰ এটা ট্ৰাংকত বহুদিন থৈ দিয়ে[1][2][3][4]। প্ৰায় চাৰি দশকৰ পাছত ২০১০ চনত বৰঠাকুৰৰ পুত্ৰ অমিয় বৰঠাকুৰে গোস্বামীৰ পুত্ৰী গুৱাহাটী নিবাসী ডলী বৰপূজাৰীৰ হাতত অৰ্পন কৰে। ছবিখনৰ তেৰটা ৰীলেই মূল 'কেন' (can)-ৰ ভিতৰতে আছে।[1][3][4]

চলচ্চিত্ৰখনৰ বৰ্তমান অৱস্থা[সম্পাদনা কৰক]

প্ৰাৰম্ভিক পৰীক্ষাত ছবিখনৰ বহুলাংশ উদ্ধাৰ কৰিব পৰা যাব বুলি ভবা হৈছে। অৱশ্যে প্ৰকৃত অৱস্থা বিশেষজ্ঞৰ পৰীক্ষাৰ পাছতহে জানিব পৰা হ'ব। ৰীলসমূহ থকা কেন-বোৰৰ কিছুমান মামৰ লগাৰ উপৰিও দুটামান কেনৰ ফাট মেলা দেখা গৈছে।[1][2][3][4]

চলচ্চিত্ৰখনৰ পুণৰ প্ৰকাশ[সম্পাদনা কৰক]

সুৰেশ গোস্বামীৰ নাতি চলচ্চিত্ৰ সমালোচক উৎপল বৰপূজাৰীয়ে ছবিখনৰ উদ্ধাৰৰ বাবে মুম্বাই স্থিত বিশেষজ্ঞৰ লগত পৰামৰ্শ কৰি আছে। পুনেস্থিত 'নেছনেল ফিল্ম আৰ্কাইভ অফ ইণ্ডিয়া'ৰ দ্বাৰা ছবিখনৰ পুনৰোদ্ধাৰ হ'ব বুলি আশা কৰা হৈছে।[1][2][4]

চৰকাৰলৈ আবেদন[সম্পাদনা কৰক]

ছবিখনৰ পৰিচালক প্ৰয়াত গোস্বামীৰ পৰিয়ালে অসম চৰকাৰলৈ ছবিখন নিষিদ্ধ কৰাৰ কাৰণ ৰাজহুৱা কৰিবলৈ আবেদন জনাইছে, লগতে ছবিখনৰ পুনৰোদ্ধাৰৰ বাবে সহায় কৰিবলৈ আহ্বান জনাইছে।[1][2][3][4]

তথ্য সংগ্ৰহ[সম্পাদনা কৰক]

  1. 1.0 1.1 1.2 1.3 1.4 1.5 1.6 1.7 1.8 Staff Reporter (March 14, 2010). "Lost treasure of Assamese cinema retrieved". The Assam Tribune. http://www.assamtribune.com/scripts/detailsnew.asp?id=mar1510/at09। আহৰণ কৰা হৈছে: 28 March 2010. 
  2. 2.0 2.1 2.2 2.3 2.4 2.5 Karmakar, Rahul (Mar 15, 2010). "Banned 1952, Assamese film pops up to ask question". Hinsustan Times. http://www.hindustantimes.com/News-Feed/guwahati/Banned-in-1952-Assamese-film-pops-up-to-ask-questions/Article1-519190.aspx। আহৰণ কৰা হৈছে: 28 March 2010. 
  3. 3.0 3.1 3.2 3.3 3.4 3.5 Talukdar, Sushanta (Monday, Mar 15, 2010). "Film print returns to family after four decades". The Hindu. http://www.hindu.com/2010/03/15/stories/2010031556592200.htm। আহৰণ কৰা হৈছে: 28 March 2010. 
  4. 4.0 4.1 4.2 4.3 4.4 4.5 4.6 4.7 Staff Reporter (Monday , March 15 , 2010). "Lost & found after 40 yrs: Runumi print - Assam film recovered from the house of director’s relative in Guwahati". The Telegraph. http://www.telegraphindia.com/1100315/jsp/northeast/story_12216011.jsp। আহৰণ কৰা হৈছে: 28 March 2010. 

বাহ্যিক সংযোগ[সম্পাদনা কৰক]