লখিমী বৰুৱা
| লখিমী বৰুৱা | |
|---|---|
 | |
| জন্ম | যোৰহাট, অসম |
| ৰাষ্ট্ৰীয়তা | ভাৰতীয় |
| পেচা | কনকলতা মহিলা নগৰীয়া সমবায় বেংকৰ পৰিচালন সঞ্চালিকা |
| জনা যায় | মহিলা অধিকাৰ, নাৰী সবলীকৰণ |
লখিমী বৰুৱা হৈছে অসমৰ প্ৰথম আৰু একমাত্ৰ মহিলা সমবায় বেংক কনকলতা মহিলা নগৰীয়া সমবায় বেংকৰ প্ৰতিষ্ঠাপক। তেওঁ ১৯৯৮ চনৰ ২২ মে তাৰিখে সমবায় সমিতি আইন-১৯৪৯ৰ অধীনত স্বাধীনতা সংগ্ৰামী শ্বহীদ কনকলতা বৰুৱাৰ নামেৰে নামাংকিত কৰি মহিলা নগৰীয়া সমবায় বেংক লিমিটেডৰ স্থাপনা কৰিছিল। পাছলৈ ২০০০ চনৰ ১৬ ফেব্ৰুৱাৰী তাৰিখে ভাৰতৰ ৰিজাৰ্ভ বেংকে বেংকিং ব্যৱসায় আৰম্ভ কৰিবলৈ এই বেংকক লাইচেঞ্চ প্ৰদান কৰে।[1] তেওঁক ভাৰত চৰকাৰে ২০২১ চনত চতুৰ্থ সৰ্বোচ্চ অসামৰিক সম্মান পদ্মশ্ৰী বঁটাৰে সন্মানিত কৰে।[2]
জন্ম আৰু প্ৰাৰম্ভিক জীৱন
[সম্পাদনা কৰক]লখিমী বৰুৱাৰ জন্ম হৈছিল যোৰহাট জিলাৰ এখন সৰু গাঁৱত। আৰ্থিক সমস্যাৰ বাবে ১৯৬৯ চনত তেওঁ কলেজীয়া শিক্ষা আধাতে সামৰিব লগা হৈছিল। ১৯৭৩ চনত তেওঁৰ বিয়া হয়। বিয়াৰ পাছত তেওঁ আধৰুৱা শিক্ষা সমাপ্ত কৰাৰ উদ্দেশ্যে আকৌ পঢ়া শুনাত লাগে আৰু ১৯৮০ চনত গ্ৰেজুৱেচন সম্পূৰ্ণ কৰে। ইয়াৰ পাছত তেওঁ এটা বেংকত চাকৰি কৰিবলৈ লয়।
কৰ্ম জীৱন
[সম্পাদনা কৰক]বিয়াৰ পাছত গ্ৰেজুৱেচন সম্পূৰ্ণ কৰি বেংকত চাকৰি কৰি থকা সময়ত তেওঁ উপলব্ধি কৰিছিল যে শিক্ষা দীক্ষা নথকা মহিলা সকলৰ পইচা সাচি ৰখাৰ অভ্যাস নাই কাৰণ তেওঁলোকৰ বিত্তীয় শিক্ষাৰ অভাৱ। সেইবাবে ১৯৮৩ চনত লখিমী বৰুৱাই যোৰহাটৰ দক্ষিণ সৰ্বাইবন্ধা অঞ্চলত এখন মহিলা সমিতি গঠন কৰিছিল যাৰ জৰিয়তে তেওঁ আৰ্থিকভাবে পিছপৰা মহিলা সকলক লগত লৈ তেওঁলোকৰ বাবে কাম কৰিছিল। বহুবছৰ ধৰি বেংকত কাম কৰাৰ পাছত ১৯৯০ চনত তেওঁ মহিলা সমবায় বেংক আৰম্ভ কৰাৰ চিন্তা চৰ্চা কৰিছিল। অৱশেষত ১৯৯৮ চনত ৮.৪৬ লাখ টকা মূলধন হিচাপে লৈ ১৯৯৮ চনৰ ২২ মে তাৰিখে সমবায় সমিতি আইন-১৯৪৯ৰ অধীনত তেওঁ শ্বহীদ কনকলতা বৰুৱাৰ নামেৰে নামকৰণ কৰি কনকলতা মহিলা আৰবান কোঅপাৰেটিভ বেংক গঠন কৰিবলৈ সক্ষম হয়[3] কনকলতা মহিলা কোঅপাৰেটিভ বেংক হৈছে উত্তৰ পূৰ্বাঞ্চলৰ প্ৰথমটো মহিলা সমবায় বেংক। এই বেংকৰ প্ৰত্যেক গৰাকী বিষয়া কৰ্মচাৰীয়েই নাৰী। এই সমবায় বেংকৰ মূল উদ্দেশ্য হৈছে মহিলা সৱলীকৰণ আৰু সমবায় বেংকিংৰ মাধ্যমেৰে দুৰ্বল শ্ৰেণীৰ মহিলা সদস্যা সকলক বিত্তীয় শিক্ষাপ্ৰদান কৰা।
বঁটা আৰু সন্মান
[সম্পাদনা কৰক]
২০১৬ চনৰ মাৰ্চ মাহত, আন্তঃৰাষ্ট্ৰীয় মহিলা দিৱসত ভাৰত চৰকাৰৰ মহিলা আৰু শিশু কল্যাণ মন্ত্ৰ্যালয়ৰ তৰফৰ পৰা কনকলতা মহিলা আৰবান কোঅপাৰেটিভ বেংক লৈ নাৰী সৱলীকৰণৰ দিশত উল্লেখযোগ্য ভূমিকা গ্ৰহণ কৰাৰ বাবে নাৰী শক্তি বঁটা[উদ্ধৃতিৰ প্ৰয়োজন] প্ৰদান কৰা হয়। লখিমী বৰুৱাই বেংকৰ হৈ পূৰ্বৰ ৰাষ্ট্ৰপতি প্ৰণৱ মুখাৰ্জীৰ পৰা নতুন দিল্লীত দেৱী অহল্যাবাই হোলকাৰ বঁটা গ্ৰহণ কৰে।[4] তেওঁক ভাৰত চৰকাৰে ২০২১ চনত সমাজসেৱা ক্ষেত্ৰত চতুৰ্থ সৰ্বোচ্চ অসামৰিক সম্মান পদ্মশ্ৰী বঁটাৰে সন্মানিত কৰে।[2]
তথ্য সূত্ৰ
[সম্পাদনা কৰক]- ↑ "You can bank on this lady". Deccan Herald. https://www.deccanherald.com/content/402024/you-can-bank-lady.html। আহৰণ কৰা হৈছে: 17 February 2019.
- ↑ 2.0 2.1 "Padma Awards: 2021" (PDF). Ministry of Home Affairs (India). 25 January 2021. https://www.mha.gov.in/sites/default/files/2021AwardeesList_25012021_0.pdf। আহৰণ কৰা হৈছে: 26 January 2021.
- ↑ "Konoklota Mahila Urban Co-operative Bank Limited". My Gov. https://blog.mygov.in/konoklota-mahila-urban-co-operative-bank-limited/। আহৰণ কৰা হৈছে: ৩০ মাৰ্চ ২০১৯.
- ↑ "Meet Lakhimi Baruah, who is empowering women in Assam through her all-women bank". Your Story. https://yourstory.com/2018/03/lakhimi-baruah-konoklota-mahila-urban-cooperative-bank। আহৰণ কৰা হৈছে: ৩০ মাৰ্চ ২০১৯.
