ৱিকিপিডিয়ানৰ মনৰ কথা  |
নমস্কাৰ।
মই মো. সাদমান ছাকিব, এজন বাংলাদেশী ৱিকিপিডিয়ান। ২০১৬ চনত বিদ্যালয়ৰ “তথ্য আৰু যোগাযোগ প্ৰযুক্তি” কিতাপত মই প্ৰথমবাৰ ৱিকিপিডিয়াৰ বিষয়ে জানিব পাৰিলোঁ। তেতিয়াৰ পৰাই মই ৱিকিপিডিয়াত লিখিব বিচাৰিছিলোঁ; যদিও ইণ্টাৰনেট সংযোগৰ অভাৱৰ বাবে সম্পাদনা কৰিব পৰা নাছিলোঁ। ২০১৮ চনত, মই হঠাতে লক্ষ্য কৰিলোঁ, ফ্ৰী-বেচিক্স নামৰ এটা ৱেবছাইটত এম. বি. (মেগাবাইট) খৰচ নকৰাকৈ ৱিকিপিডিয়া পঢ়িব পৰা যায়। (এই সুবিধাটো এতিয়া বন্ধ হৈ গৈছে।) তেতিয়াৰ পৰাই মই ৱিকিপিডিয়াৰ নিয়মীয়া পাঠক। সেই সময়ত ৱিকিপিডিয়াৰ জৰিয়তে মই "অসমীয়া" নামৰ ভাষাটোৰ বিষয়ে জানিব পাৰিলোঁ। মোৰ মাতৃভাষা বাংলাৰ লগত অসমীয়া ভাষাত একে লিপি ব্যৱহাৰ কৰা দেখি বৰ আচৰিত হ’লোঁ। তেতিয়াৰ পৰাই অসমীয়া ভাষাৰ প্ৰতি মোৰ প্ৰেম গঢ় লৈ উঠিল।
কিন্তু কোনো অজ্ঞাত কাৰণত, ফ্ৰী-বেচিক্স ৱেবছাইটৰ পৰা যেতিয়াই মই ৱিকিপিডিয়া সম্পাদনা কৰিবলৈ চেষ্টা কৰোঁ, মোৰ আইপি অৱৰুদ্ধ হৈ পৰে। এনেকৈ আৰু দুবছৰ পাৰ হৈ গ’ল। ২০২০ চনৰ ২০ জানুৱাৰীত হঠাৎ লক্ষ্য কৰিলোঁ যে, আইপি ব্লক অবিহনে ৱিকিপিডিয়াত সম্পাদনা কৰিব পাৰিলোঁ! তাৰ পিছত মই কোনো পলম নকৰাকৈ বাংলা ৱিকিপিডিয়াত সম্পাদনা কৰিবলৈ আৰম্ভ কৰিলোঁ। মই প্ৰথমে বাংলাদেশী প্ৰবন্ধটো সম্পাদনা কৰিলোঁ। সেইদিনা মই এই একাউণ্টটো খুলিলোঁ। বাংলা ৱিকিপিডিয়াত মোৰ প্ৰথম প্ৰবন্ধটো হৈছে খেওড়া। (কিছুদিন আগতে অসমীয়া ৱিকিত খেওড়া প্ৰবন্ধটো সৃষ্টি কৰিছিলোঁ।) তেতিয়াৰ পৰা মই নিয়মিতভাৱে ৱিকিপিডিয়া সম্পাদনা কৰি আহিছোঁ। বিশেষকৈ কোভিড-১৯ৰ লকডাউনৰ সময়ত, মোৰ সম্পাদনাৰ পৰিমাণ যথেষ্ট বৃদ্ধি পাইছিল।
২০২০ চনৰ ২৭ ফেব্ৰুৱাৰীত মই প্ৰথমবাৰ অসমীয়া ৱিকিপিডিয়াত সম্পাদনা কৰিছিলোঁ। কিন্তু মই তেতিয়ালৈকে অসমীয়া ভাষা বুজি পোৱা নাছিলোঁ বাবে অসমীয়া ৱিকিপিডিয়া পঢ়ি অসমীয়া শিকিবলৈ আৰম্ভ কৰিলোঁ। প্ৰায় এবছৰৰ ভিতৰত, মই মোটামুটিকৈ ভাষাটো আয়ত্ত কৰিব পাৰোঁ। ২০২১ চনৰ ৫ মে তাৰিখে মই অসমীয়া ৱিকিপিডিয়াত প্ৰথম প্ৰবন্ধটো সৃষ্টি কৰিছিলোঁ (মটক স্বায়ত্তশাসিত পৰিষদ)। তাৰ পিছত ১১ মে'ৰ পৰা মই প্ৰায়ে অসমীয়া ৱিকিত সম্পাদনা কৰি আহিছোঁ।
মোৰ মাতৃভাষা বাংলা হোৱাৰ বাবে মই মূলতঃ বাংলা ৱিকিপিডিয়াত সক্ৰিয় (৩৮,০০০+ সম্পাদনা)। কিন্তু অসমীয়া ৱিকিপিডিয়াৰ লগতে মই ৱিকিমিডিয়া কমন্স, ৱিকিডেটা, বাংলা আৰু অসমীয়া ৱিকিউৎসতো সক্ৰিয়। মই বাংলা ৱিকিপিডিয়াৰ এজন নিৰীক্ষক, ৰোলবেকাৰ আৰু ফাইল মুভাৰ। লগতে ৱিকিমিডিয়া কমন্সত মই ফাইল মুভাৰ। ৱিকিত মোৰ আটাইতকৈ ডাঙৰ সাফল্য হৈছে ৱিকি লাভ্ছ ৱুমেন দক্ষিণ এছিয়া ২০২১-ত গোলকীয়ভাৱে প্ৰথম স্থান লাভ কৰা। লগতে অসমীয়া ৱিকিপিডিয়াত এছিয়ান মাহ ২০২১-ত তৃতীয় স্থান লাভ কৰিছিলোঁ।
অসমীয়া ৱিকিপিডিয়া সম্পাদনাত ৱিকিৰ ভিতৰত আৰু বাহিৰত মোক আটাইতকৈ বেছি সহায় কৰিছে সন্মানীয় হানিফ আলী আৰু কুলধৰ ৰাভা দাদায়ে। তদুপৰি নয়ন দাদাকে প্ৰমুখ্য কৰি অসমীয়া ৱিকিপিডিয়াৰ সকলোকে মোক ইয়াত লিখিবলৈ সুযোগ দিয়াৰ বাবে কৃতজ্ঞতা জ্ঞাপন কৰিছোঁ।
ধন্যবাদান্তে, ≈ MS Sakib «কওক...» 15:16, 28 November 2022 (ইউ.টি.চি.)[উত্তৰ দিয়ক] |
ভাল প্ৰবন্ধ |
 কাইথেলী অংকৰ এক নমুনা
কাইথেলী অংক হৈছে গণিতৰ এক প্ৰকাৰ। নামনি অসমৰ কামৰূপত ওঠৰ শতিকাত কায়স্থ কুলৰ লোকসকলৰ মাজত সংখ্যাজড়িত সাঁথৰ কিছুমানৰ প্ৰচলন আছিল। কায়স্থ বা কাইথসকলৰ মাজত প্ৰচলিত আছিল বাবে এই অংকসমূহক “কাইথেলী অংক’’ নামে জনা যায়। কাইথেলী অংকক সাঁথৰৰ সৈতে তুলনা কৰিব পাৰি। সাঁথৰ ভেদ কৰিবলৈ যিধৰণৰ একাগ্ৰ চিন্তাৰ প্ৰয়োজন হয়, কাইথেলী অংক চৰ্চা কৰিবলৈয়ো তেনে তীক্ষ্ণ বুদ্ধিৰ দৰকাৰ। ধেমালিৰ মাজেৰে প্ৰশ্ন সোধাৰ চলেৰে কৰা এনে অংকবোৰে চৰ্চাকাৰীক হাঁহিৰ খোৰাক যোগোৱাৰ লগতে ই জ্ঞানবৰ্ধনতো সহায় কৰে। কিছুমানে কাইথেলী অংকক “কৌতুক অংক’’ও বুলিব খোজে।
কাইথেলী অংক পদ্ধতিৰ দ্বাৰা মাটিৰ হিচাপৰ নিয়ম, মাটিৰ পিয়ল, বজাৰৰ দৰৰ জমা-খৰচৰ হিচাপ, কাঁহ-তাম-পিতলৰ দাম, ওজন, ভঁৰালৰ শস্যাদিৰ পৰিমাণ গণনা, ঘৰ-দুৱাৰ সজাৰ জোখ-মাখ, বাঁহ-বেত আদিৰ পৰিমাণ, ঘৰৰ ভেটি তোলাৰ সকলো নিয়ম, সূতা কটা আৰু কাপোৰ বোৱাৰ সকলো নিয়ম, প্ৰজাৰ কৰ-কাটল, ৰাজ-ভঁৰালৰ আয়-ব্যয়, জ্যোতিষ সম্পৰ্কীয় গণনা, মাটি কটাৰ জোখ-মাখ, আমদানি-ৰপ্তানিৰ হিচাপ, বছৰ-মাহ- দিনৰ হিচাপ, গাঁৱৰ জনসংখ্যা গণনা আদি সহজে কৰাৰ উপায় উলিওৱা হৈছিল।বিতংকৈ ইয়াত পঢ়ক...
যোৱামাহৰ ভাল প্ৰবন্ধ একচেটীয়া বজাৰৰ বিষয়ে ইয়াত পঢ়ক... |
নৱেম্বৰ-২০২২ত সৃষ্টি কৰা প্ৰবন্ধসমূহ |
মুঠ প্ৰবন্ধৰ সংখ্যা = ৪৮
|
|
|
নিৰ্বাচিত চিত্ৰ |
|
|
পদক |
|
|
উল্লেখনীয় কাম |
- অসমীয়া ৱিকিপিডিয়াত লেখাৰ সংখ্যা ১০,৮৩৪ টালৈ বৃদ্ধি পালে।
- অসমীয়া ৱিকিউৎসত উপলব্ধ গ্ৰন্থৰ সংখ্যা ৪৩০ খনলৈ বৃদ্ধি পালে।
- অসমীয়া ৱিকিউদ্ধৃতিত লেখাৰ সংখ্যা ৪৬২ টালৈ বৃদ্ধি পালে।
- অসমীয়া ৱিকিউৎসত শেহতীয়াকৈ সম্পূৰ্ণ হোৱা গ্ৰন্থৰ তালিকা:
   কামিনীকান্তৰ চৰিত্ৰ (লেখক:এ কে গাৰ্নী, ১৮৭৭)- পঞ্চকবিতা (লেখক: বেণুধৰ ৰাজখোৱা, ১৮৯৫)
- কুমৰ হৰণ (লেখক: চন্দ্ৰ ভাৰতী, ১৯৫৬)
- শ্ৰীমন্ত শঙ্কৰদেৱ (লেখক: হৰিনাৰায়ণ দত্তবৰুৱা, ১৯৫৫)
- অসীমৰ বীণ (লেখক: পবিত্ৰপ্ৰাণ চাংকাকতি, ১৯৩৮)
- সম্ভৱতঃ (লেখক: গীতালি বৰা, ২০০৬)
- ডৰিয়লি (লেখক: গীতালি বৰা, ২০১৬)
- প্ৰচণ্ড (লেখক: মহেশ ডেকা, ২০১৫)
- তটিনী তীৰৰ খেলা (লেখক: ৰাজীৱ বৰা, ২০১৮)
- ঢৌ (লেখক: ৰাজীৱ বৰা)
- অমৃত কথা (লেখক: নীলিমা বৰা, ২০১১)
- উৰহি গছৰ ওৰ (লেখক: নীলিমা বৰা, ২০১৪)
- এপাহ ফুলৰ কথা (লেখক: নীলিমা বৰা, ২০০৯)
- পাখি লগা মন (লেখক: নীলিমা বৰা, ২০১৫)
- বান্চা য়ান ককা আৰু এখন দেওলগা হাবি (লেখক: নীলিমা বৰা, ২০১৫)
- ৰেইনী (লেখক: নীলিমা বৰা, ২০১৩)
- মৰমিয়াল পৰীজনী (লেখক: নীলিমা বৰা, ২০১৩)
- শিক্ষাবিদ বাণীকান্ত কাকতি (লেখক: নীলিমা বৰা, ২০১৪)
- হেবাং বেঙৰ আংবাং কবিতা (লেখক: নীলিমা বৰা, ২০১৩)
- ভেকোলাৰ সপোন (লেখক: নীলিমা বৰা, ২০১৭)
- মৰমিয়াল পখিলাটি (লেখক: নীলিমা বৰা, ২০০১)
- আমি কি কৰিবলৈ বিচাৰোঁ (লেখক: অজ্ঞাত, ১৯৫১)
- দামোদৰ ব্যাখ্যা (লেখক: ধনিৰাম দাস, ১৯১৫)
- খোজৰ শব্দ (সম্পাদক: সঞ্জীৱ পল ডেকা, ২০২২)
- মহিলা কীৰ্ত্তন (সম্পাদক: তীৰ্থনাথ গোস্বামী, ১৯৫০)
- ধৰ্মপক্ষী (লেখক: প্ৰভাত হালৈ, ২০২০)
|
নিৰ্বাচিত উদ্ধৃতি |
| “
|
নৈৰ সোঁতে যেনেকৈ তাৰ বুকুত পৰি থকা শিলবোৰক অকণ অকণকৈ মিহি কৰে বা সেইবোৰক নতুন ৰূপ দিয়ে, সেইদৰে চামে চামে মানুহে অবিৰাম ব্যৱহাৰৰ দ্বাৰা তেওঁলোকৰ ভাষাৰ শব্দবোৰক মিহি কৰে বা সেইবোৰক ন ন ৰূপ দিয়ে।
|
”
|
| — আত্ম দীপো ভৱ (হোমেন বৰগোহাঞি)
|
| “
|
ধুন দেখি ধুনিলি, মোহ দেখি মোহিলি, ৰূপ দেখি নধৰিবি গাত, চন্দন কাঠ বুলি সাৱটি ধৰিলি পঁচা শিমলুৰ কাঠ।
|
”
|
| — ফকৰা যোজনা
| (ধুনীয়া বুলি বৰ আলহ উদহ কৰি পিছত থাকিবলগীয়া গুণ নাপালে আফচোচ কৰা। )
|
পৰিসংখ্যা আৰু অন্যান্য |
পৰিসংখ্যা
অন্যান্য সংযোগ
ঘোষণা
|
|
.svg){kind=small}
.png){kind=small}
.svg){kind=icon}
_-_The_Noun_Project.svg){kind=small}
