অভিযান (চলচ্চিত্ৰ)

অসমীয়া ৱিকিপিডিয়াৰ পৰা
Jump to navigation Jump to search
অভিযান
পৰিচালক সুজিত সিংহ
প্ৰযোজক বিষ্ণুজ্যোতি চলচ্চিত্ৰ পৰিষদ লিমিটেড
লেখক বীৰেণ শৰ্মা
চিত্ৰনাট্য সুজিত সিংহ
অভিনয়ত নিপন গোস্বামী
পুৰ্ণিমা পাঠক
ইলা কাকতি
(তলত চাওক)
সংগীত পৰিচালক জিতু-তপন
চিত্ৰগ্ৰহণকাৰী সুজিত সিংহ
সম্পাদনা শিৱ সাধন ভট্টাচাৰ্য
মুক্তি ১৯৭৩
দেশ ভাৰত
ভাষা অসমীয়া

অভিযান ১৯৭৩ চনত মুক্তি লাভ কৰা এখন অসমীয়া চলচ্চিত্ৰবিশ্বনাথ চাৰিআলিৰ পৰা নিৰ্ম্মাণ হোৱা প্ৰথমখন অসমীয়া কথাছবি।

ছবিখনৰ কাহিনী[সম্পাদনা কৰক]

গাৱঁৰ এটি মধ্যবিত্ত পৰিয়ালৰ দুজন ককাই ভাই। সৰুজন অবিবাহিত। ককায়েক ঢুকুৱাৰ পাছত গোটেই পৰিয়ালৰ ভাৰ পৰে ভায়েক দেৱীৰ ওপৰত। দেৱী আছিল অসৎ চৰিত্ৰৰ। নিজৰ স্বচ্ছন্দৰ বাবে সকলো কাম কৰিব পৰা বিধৰ। ভতিজাক নীলিমৰ বাবে খৰছ কৰিবলৈ টানপোৱা দদায়েকে সকলো সম্পত্তি বন্ধকত থৈ নিজৰ অসৎ চৰিত্ৰ পুৰণৰ কাৰণে কুচক্ৰী মহাজনৰ সৈতে লগলাগি ঘৰত অশান্তি বঢ়াবলৈ ধৰিলে। পৰিনামত নীলিমৰ মাকে অকালতে মৃত্যুবৰণ কৰিব লগা হ'ল। ভতিজাক নীলিমক উচ্চশিক্ষাৰ খৰচৰ যোগান নধৰাত মাজ ভাগতে কলেজ পৰিত্যাগ কৰিলে। ভনীয়েক লিলিয়ে মাকে সাঁচি থোৱা সোণৰ গহনাবোৰ বন্ধকত দি পঢ়িবৰ বাবে উদগনি দিছিল।

ইতিমধ্যে চহৰৰ পৰা নতুনকৈ অহা চৰকাৰী ডাক্তৰ জনক লগপালে আৰু পৰামৰ্শক্ৰমে বি ডি অ'ক লগ ধৰি বৈজ্ঞানিক পদ্ধতিৰে খেতি কৰাৰ ব্যৱস্থাদি কৰি যথেষ্ঠ উন্নতিৰ পথত আগবাঢ়িল। তাৰবাবে নীলিমৰ 'অভিযান'ৰ প্ৰৰণা যোগাইছিল কলেজৰ পৰাই ভাল পোৱা বি ডি অ'ৰ কন্যা কৰবীয়ে। কিন্তু ধনী মহাজনে তাক সহ্য কৰিব নোৱাৰি নানা অত্যাচাৰৰ মাজেদি তাৰ 'অভিযান'ক ধংশ কৰিবলৈ চেষ্টা কৰিছিল। মহাজনৰ চেষ্টা বিফল হ'ল। অৱশেষত বুঢ়া লগুৱা মদনে বিভিন্ন উপায়ৰে সমস্যা সমাধানত সহায় কৰে। সেহত লিলিৰ বিয়া, দদায়েক-ভতিজাকৰ মিলন,নীলিমৰ বিয়াৰে কাহিনী সমাপ্ত হৈছে।

ৰাইজৰ সঁহাৰি[সম্পাদনা কৰক]


অভিনয়ত[সম্পাদনা কৰক]

  • নিপন গোস্বামী
  • পুৰ্ণিমা পাঠক
  • ইলা কাকতি
  • অনিল দাস
  • ধীৰু ভুঞা
  • প্ৰমোদ বৰুৱা
  • সৰ্বেশ্বৰ পঞ্চানন
  • বাদল দাস
  • ভোলা কাকতি
  • উদয় শইকীয়া
  • উমা শৰ্মা আদি।

কলা-কুশলী[সম্পাদনা কৰক]

(তথ্যপেৰাত উল্লেখ নথকা)

  • নৃত্য পৰিচালনা: অজয় চলিহা
  • শব্দগ্ৰহণ:টেকনিকা
  • ৰূপসজ্জা: গৌৰ ৰঞ্জন দাস আৰু বংশী দাস

তথ্যসূত্ৰ[সম্পাদনা কৰক]

  • দাস, অৰুণলোচন; অসমীয়া চলচ্চিত্ৰ:১৯৩৫-১৯৯৬