ৱিকিপিডিয়ানৰ মনৰ কথা
হায়দৰাবাদ ৱিকি সন্মিলন ত যোগদানৰ বাবে স্কলাৰশ্বিপৰ আবেদন কৰোঁতে প্ৰায় নিশ্চিত হৈ আছিলোঁ যে মই নিৰ্বাচিত হ’ম। ভাৰতৰ এখন ঐতিহ্যমণ্ডিত চহৰ হায়দৰাবাদলৈ মই আগতে গৈ পোৱা নাই। সেয়েহে তালৈ যোৱাৰ বাবে মই অধিক আগ্ৰহী হৈ আছিলোঁ। সময়ত স্কলাৰশ্বিপ অনুমোদন হ’ল। দৈনন্দিন জীৱনৰ তিতা-কেঁহাবোৰ আঁতৰাই থৈ এজাক প্ৰিয় মানুহৰ সৈতে চাৰিটা নিশা হায়দৰাবাদত কটাই আহিলোঁ। লৈ আহিলোঁ, কিছু মধুৰ স্মৃতি। অহা-যোৱা, থকা-খোৱা, হাত-খৰচ আদিকে ধৰি প্ৰতিজন অংশগ্ৰহণকাৰীৰ নামত ৱিকিমিডিয়া ফাউণ্ডেচনে যথেষ্ট ধন খৰচ কৰিছিল। কোনো প্ৰাপ্তিৰ আশা নকৰি ৱিকি স্বেচ্ছাসেৱকসকলে যি বৰঙণি আগবঢ়াই থাকে, এয়া তাৰেই যেন এক সামান্য স্বীকৃতি; এনে দৃষ্টিভংগীৰে আয়োজক কমিটিয়ে ৰাজকীয় আতিথ্য আগবঢ়াইছিল।
এজন ৱিকিমিডিয়ান হিচাপে মোৰ দক্ষতা বিকাশত আৰু আত্মবিশ্বাসৰ স্তৰটোৰ উত্তৰণ ঘটোৱাত ২০১৯ চনত গুৱাহাটীত অনুষ্ঠিত হোৱা অসমীয়া ৱিকিউৎস কৰ্মশালা আৰু ২০২০ চনত মুম্বাইত অনুষ্ঠিত হোৱা ট্ৰেইন দ্য ট্ৰেইনাৰ প্ৰ’গ্ৰাম ৰ বিশেষ ভূমিকা আছিল। এই দুটা অনুষ্ঠানত অংশগ্ৰহণ কৰাৰ আগলৈকে মই বহু সৰু-সুৰা কাৰিকৰী বা নীতি সম্পৰ্কীয় কথা জনা নাছিলোঁ, যদিও তেতিয়ালৈ মই এজন জ্যেষ্ঠ সদস্যৰূপে পৰিগণিত হৈছিলোঁ। তাৰ বিপৰীতে হায়দৰাবাদ সন্মিলন আছিল মোৰ বাবে যেন এক অৱসৰ বিনোদন। অৱশ্যে এয়া সন্মিলনহে আছিল, কোনো কৰ্মশালা নাছিল। মানুহৰ মনটোক উদ্দীপিত কৰাৰ বাবে, অনুপ্ৰাণিত কৰাৰ বাবে এনে ধৰণৰ অনুষ্ঠানৰো নিয়মীয়াকৈ আয়োজন কৰাৰ প্ৰয়োজন আছে।
বাবুল বৈশ্য (
বাৰ্তা )
03:02, 1 September 2023 (ইউ.টি.চি.) [ উত্তৰ দিয়ক ]
ভাল প্ৰবন্ধ
য়ামী গৌতম ধৰ (ইংৰাজী : Yami Gautam Dhar , ২৮ নৱেম্বৰ, ১৯৮৮) হৈছে প্ৰধানকৈ হিন্দী ছবিত অভিনয় কৰা এগৰাকী ভাৰতীয় অভিনয়-শিল্পী। তেওঁ মডেল হিচাপে নিজৰ কেৰিয়াৰ আৰম্ভ কৰে, আৰু টেলিভিছনৰ ছ'প অপেৰা যেনে: চান্দ কে পাৰ চালো (২০০৮–২০০৯) আৰু য়েহ প্যাৰ না হোগা কাম (২০০৯–২০১০)ত অভিনয় কৰে। ২০১২ চনত অভিনয় কৰা কমেডী-ড্ৰামা ভিকি ড'নাৰ হৈছে তেওঁৰ প্ৰথম হিন্দী ছবি, যাৰ ফলত তেওঁ শ্ৰেষ্ঠ মহিলা অভিষেককাৰীৰ ফিল্মফেয়াৰ বঁটাৰ মনোনয়ন লাভ কৰে।
হিমাচল প্ৰদেশৰ বিলাসপুৰ হিন্দু ব্ৰাহ্মণ পৰিয়ালত জন্মগ্ৰহণ কৰা য়ামী গৌতম ডাঙৰ-দীঘল হৈছিল চণ্ডীগড়ত। তেওঁৰ পিতৃ মুকেশ গৌতম এজন পাঞ্জাবী চলচ্চিত্ৰ পৰিচালক। তেওঁ পিটিচি নেটৱৰ্কৰ উপ-সঞ্চালক। তেওঁৰ মাতৃৰ নাম অঞ্জলি গৌতম। বিতংকৈ ইয়াত পঢ়ক...
যোৱামাহৰ ভাল প্ৰবন্ধ
চন্দ্ৰযান-৩ ৰ বিষয়ে
ইয়াত পঢ়ক...
আগষ্ট-২০২৩ত সৃষ্টি কৰা প্ৰবন্ধসমূহ
মুঠ প্ৰবন্ধৰ সংখ্যা = ১২৩
নিৰ্বাচিত চিত্ৰ
হানিফ আলী মুদ্ৰণ-সংশোধন পদক , সহযোগিতা পদক , ৱিকি লাভছ ৱুমেন পদক , ৱিকি শতক পদক , এই মাহৰ ৱিকিমিডিয়ান আদি পদকেৰে সন্মানিত কৰিছে। অসমীয়া ৱিকিমিডিয়া সমাজে তেওঁৰ উত্তৰোত্তৰ উন্নতি কামনা কৰিছে।
পদক
আগষ্ট-২০২৩ৰ বিশেষ অভিলেখ
উল্লেখনীয় কাম
অসমীয়া ৱিকিপিডিয়াত লেখাৰ সংখ্যা ১২,০৪৩
অসমীয়া ৱিকিউৎসত উপলব্ধ গ্ৰন্থৰ সংখ্যা ৫১৫
অসমীয়া ৱিকিউদ্ধৃতিত লেখাৰ সংখ্যা ৫১৩ টালৈ বৃদ্ধি পালে।
ভাৰতৰ ৭৭তম স্বাধীনতা দিৱসৰ সৈতে সংগতি ৰাখি আগষ্ট মাহত স্বাধীনতা সংগ্ৰামীৰ জীৱন-ভিত্তিক পষেকীয়া এডিটাথন
নিৰ্বাচিত উদ্ধৃতি
“
সহমৰ্মিতাৰ ভাবনাৰে বাঢ়ি অহা আমাৰ দৃষ্টিবোৰ কেতিয়ানো ধৰ্ষণকামী-মৰ্ষণকামিতালৈ ৰূপান্তৰিত হয়— আমি দেখোন গমেই নাপাওঁ— আত্মতুষ্টিৰ বাবে, নিজকে অলপ ফাঁকি দিবৰ বাবে— মনঃপৃষ্ঠাত সমবেদনাৰ আভৰণ এখন আমি মেৰিয়াই লওঁ আৰু নিৰ্বিকাৰ ভংগীমাৰে চোবাবলৈ ধৰো আমাৰ প্ৰিয় খাদ্য, উমলগা বিচনাত অলস মুদ্ৰাৰে দীঘল দি জাপ খাই অহা তৃপ্তিৰ চকুৰে উপভোগ কৰো মৃত্যু— যৌনতা— জিঘাংসা— এনেদৰেই ৰমানন্দহঁতৰ প্ৰাইভেট এডভেঞ্চাৰবোৰ হৈ পৰেহি নাঙঠভাৱে পাব্লিক!
”
— মৌচুমী কন্দলী ; গ্ৰন্থ:তৃতীয়ত্বৰ গল্প
“
উঠোঁতে ভাগিল বৰ চাং বহোঁতে ভাগিল পীৰা, ন-সম্বন্ধৰ মিতিৰ আহিছে বলদ গৰুটো খীৰা
”
— ফকৰা যোজনা
(উঠোঁতে বৰ চাং আৰু বহিলেই পীৰাখন সতকাই ভাগিব নোৱাৰে। একেদৰেই বলদ গৰুৱে গাখীৰ দিয়াটো সম্ভৱ নহয়। অৰ্থাৎ নোহোৱা নোপোজা ধৰণৰ ঘটনা সংঘটিত হোৱা।)
পৰিসংখ্যা আৰু অন্যান্য
পৰিসংখ্যা অন্যান্য সংযোগ
ঘোষণা
.svg){kind=logo}
.svg){kind=small}
.png){kind=small}
.svg){kind=icon}
_-_The_Noun_Project.svg){kind=small}
