লাজ

অসমীয়া ৱিকিপিডিয়াৰ পৰা
লাজ
পৰিচালক মঞ্জু বৰা
চিত্ৰনাট্য মঞ্জু বৰা
কাহিনী অৰুণ গোস্বামী
প্ৰযোজক মঞ্জু বৰা
অভিনয়ত জাফ্ৰিন
বিষ্ণু খাৰঘৰীয়া
চিত্ৰগ্ৰহণকাৰী ৰাজু মিশ্ৰ
সম্পাদনা এ শ্ৰীকৰ প্ৰসাদ
সংগীত পৰিচালক তৰালী শৰ্মা
মুক্তি
১২ নবেম্বৰ, ২০০৪
দৈৰ্ঘ্য
৮২ মিনিট
দেশ ভাৰত ভাৰত
ভাষা অসমীয়া

লাজ (ইংৰাজী: Laaz) ২০০৪ চনত মুক্তি পোৱা মঞ্জু বৰা পৰিচালিত আৰু প্ৰযোজিত এখন ৰঙীন অসমীয়া চলচ্চিত্ৰ। সঙ্গীত পৰিচালনা তৰালী শৰ্মাৰ। অৰুণ গোস্বামীৰ চুটিগল্প ‘মাছমৰীয়া ছোৱালীৰ লাজ’ৰ আধাৰত ছবিখনৰ চিত্ৰনাট্য ৰচনা কৰিছে পৰিচালিকা মঞ্জু বৰাই।[1] ২০০৫ৰ ভাৰতীয় পেনোৰামা তথা বিভিন্ন আন্তঃৰাষ্ট্ৰীয় চলচ্চিত্ৰ মহোৎসৱত এই ছবিখন প্ৰদৰ্শিত হৈছে।[2]

কাহিনীৰ সাৰাংশ[সম্পাদনা কৰক]

ছবিখনৰ মূল চৰিত্ৰ ইলাই এনে এখন সমাজক প্ৰতিনিধিত্ব কৰে যে য’ত দৰিদ্ৰতা আৰু সামাজিক অনগ্ৰসৰতা বাবে বেছিভাগ ছোৱালীয়ে বিদ্যালয়ৰ মুখ নেদেখে। তাই এজনী মাছমৰীয়া সম্প্ৰদায়ৰ ছোৱালী। ইলা এজনী স্কুলীয়া ছোৱালী। পঢ়াৰ প্ৰতি তাইৰ অনেক হেঁপাহ। শিক্ষক-শিক্ষয়ত্ৰীসকলৰ মৰমৰ পাত্ৰী ইলা পঢ়া-শুনাত যথেষ্ট চোকা। তাইৰ এজোৰে মাত্ৰ পোচাক, তাকে ধুই-মেলি পৰিষ্কাৰকৈ ৰাখে। তাই দেউতাক কুটৰে চাবোন এটুকুৰা আনি দিবলৈ। দেউতাকে পিছদিনা আনি দিব বুলি কয়। মাকৰ মতে মাছমৰীয়া ঘৰৰ ছোৱালীয়ে চাবোনেৰে কাপোৰ ধোৱাটো এক বিলাসিতা মাথোঁ।[1]

ইলাই নিম্ন প্ৰাথমিক উত্তীৰ্ণ হয়। মাক-দেউতাৰ মতে এয়াই যথেষ্ট। শিক্ষকসকলে বিচাৰে তাই আৰু আগবাঢ়ি যাওক। এনেতে গৰ্ভৱতী হৈ থকা তথা বিভিন্ন আনুষংগিক ৰোগত পীড়িতা মাকৰ মৃত্যু হয়। ফলস্বৰূপে ঘৰখন আৰু ভায়েক-ভনীয়েকহালক চোৱা-চিতাৰ দায়িত্ব তাইৰ মূৰৰ ওপৰত পৰিল। ইফালে চূড়ান্ত পৰীক্ষা আহি পালেহি। স্কুলখনৰে আশা-ভৰষাৰ থল ইলাৰ উপস্থিতি অনিয়মীয়া হ’ল। অৱশেষত শিক্ষকসকলৰ প্ৰচেষ্টা আৰু উৎসাহত তাই বাছনি পৰীক্ষা দিলে আৰু প্ৰথম স্থান পালে। চূড়ান্ত পৰীক্ষালৈ দুমাহ থাকোঁতে ইলা পুনৰ স্কুললৈ অহা বাদ দিলে। বহুদিনৰ মূৰত তাইক এদিন স্কুলৰ চৌহদত দেখা গ’ল। দেহত জৰাজীৰ্ণ পোচাক। প্ৰধান শিক্ষকে অলপ কঠোৰ সুৰত সুধিলে কিয় ইমান দিন তাই স্কুললৈ অহা নাই। তাই কঁপা-কঁপা মাতেৰে উত্তৰ দিলে যে তাই ইমানদিনে স্কুললৈ অহা নাছিল এইবাবে যে ফ্ৰকৰ তলত পিন্ধিবলৈ তাইৰ এটাও পেণ্ট (underwear) নাই।[1]

অভিনয় শিল্পী[সম্পাদনা কৰক]

কলা-কুশলী[সম্পাদনা কৰক]

(তথ্যপেৰাত নথকা)
  • বেনাৰ-এ এ এ এছ প্ৰডাকছনছ্ প্ৰাইভেট লিমিটেড
  • সংলাপ- বসন্ত দাস
  • শব্দগ্ৰহণ-বাপী সেনগুপ্ত
  • শব্দ পুনৰ্গ্ৰহণ- লক্ষ্মী নাৰায়ণ
  • কলা নিৰ্দেশনা- ফটিক বৰুৱা[1]

সঙ্গীত[সম্পাদনা কৰক]

ছবিৰ সঙ্গীত তৰালী শৰ্মাৰ। ছবিত কোনো চলচ্চিত্ৰীয় গীতৰ অন্তৰ্ভুক্ত কৰা হোৱা নাছিল।

স্বীকৃতি[সম্পাদনা কৰক]

  1. ভাৰতীয় পেনোৰামাত (২০০৫) প্ৰদৰ্শন।[2]
  2. দ্বিতীয় বাংলাদেশ আন্তৰ্জাতিক চলচ্চিত্ৰ মহোৎসৱত জুৰীৰ বিশেষ উল্লেখ।[2]
  3. লণ্ডন চলচ্চিত্ৰ মহোৎসৱলৈ (২০১৩) বাছনি।[3]

তথ্য উৎস[সম্পাদনা কৰক]

  1. 1.0 1.1 1.2 1.3 "Indian Panorama Catalogue (2005)". Directorate of Film Festivals, India. পৃষ্ঠাসমূহ: Catalogue page 44, PDF page 55. http://dff.nic.in/Archive.aspx?ID=10। আহৰণ কৰা হৈছে: 26 October 2020. 
  2. 2.0 2.1 2.2 2.3 Das Arunlochan (2013). ১০০ অসমীয়া চলচ্চিত্ৰৰ কাহিনী আৰু গীত. Shashi Shisu Prakashan, Guwahati. পৃষ্ঠা. 284. 
  3. "Assamese film Laaj (shame) selected for London Festival". The Shillong Times. https://theshillongtimes.com/2013/02/11/assamese-film-laaj-shame-selected-for-london-festival/। আহৰণ কৰা হৈছে: 26 October 2020.