ৱিকিপিডিয়ানৰ মনৰ কথা
প্ৰথমবাৰৰ বাবে ৱিকিপত্ৰিকাত নিজৰ মনৰ কথা লিখিবলৈ ওলাইছোঁ৷ ৱিকিপিডিয়া, ৱিকিউৎস, ৱিকিপত্ৰিকা আদি শব্দ আজি অলপ দিনৰ আগলৈকে মোৰ বাবে এক কৌতূহলৰ বিষয় হৈ আছিল৷ নাম শুনিছিলোঁ যদিও ৱিকিউৎসৰ লগত পৰিচয় হোৱা নাছিল৷ বুজি পোৱা নাছিলোঁ, ৱিকিউৎসতনো কি কৰিব লাগে৷ ২০২০ চনৰ জুলাই মাহৰ কোনোবা এটা দিনত মোৰ ফেচবুক বন্ধু শ্ৰী মৃদুল কুমাৰ শৰ্মা দাই ৱিকিউৎস সন্দৰ্ভত ফেচবুকত এটা আপডেট দিছিল৷ তেওঁ ৱিকিউৎসত কাম কৰাৰ বাবে স্বেচ্ছাসেৱী বিচাৰিছিল৷ তেওঁৰ আপডেটটো পঢ়ি মই বুজি উঠিছিলোঁ যে অসমীয়া ভাষাটোৰ ওপৰতেই ইয়াত কাম হয়৷ পুৰণি অসমীয়া গ্ৰন্থসমূহৰ সংৰক্ষণ কৰা হয়৷ মোৰ তেতিয়াই ৱিকিউৎসত কাম কৰিবলৈ আগ্ৰহ জন্মিল, যিহেতু মোৰ আগৰ পৰাই আইৰ মুখৰ ভাষাটোৰ প্ৰতি দুৰ্বলতা আছে৷ অসমীয়া ভাষাটোক বিশ্বদৰবাৰলৈ লৈ যোৱাৰ ক্ষেত্ৰত তিলমানো যদি বৰঙনি যোগাব পাৰোঁ নিজকে ধন্য মানিম৷ লগে লগেই মৃদুলদাক যোগাযোগ কৰিলোঁ৷ তেওঁ মোক ৱিকিউৎসত একাউণ্ট খোলাৰ পৰা আৰম্ভ কৰি তাত কাম কৰালৈকে সকলোখিনি কেনেকৈ কৰিব লাগে বুজাই দিলে৷ কম্পিউটাৰৰ আনুষ্ঠানিক শিক্ষা অলপ আছিল বাৰু৷ গতিকে লেপটপত কাম কৰোঁতে অসুবিধা নাপালোঁ৷ লেপটপত অসমীয়া টাইপিং মৃদুলদায়েই মোক শিকাই দিলে ফোনতেই৷ ইমান ব্যস্ততাৰ মাজতো তেওঁ যে মোক ইমানখিনি শিকাই দিলে তাৰ বাবে তেওঁক অশেষ ধন্যবাদ৷ ৱিকিউৎসত প্ৰথমে মুদ্ৰণ সংশোধনৰ কামেই কৰিলোঁ৷ মুদ্ৰণ সংশোধনত বিভিন্ন সাঁচ ব্যৱহাৰ কৰা হয়৷ সেই সাঁচসমূহ ক’ত কেনেদৰে ব্যৱহাৰ কৰে সেইখিনি মোক গীতাৰ্থ বৰদলৈ, দিব্য দত্ত, কুলধৰ, ঈশান, ভাস্কৰ, নয়ন, অজয় আদি আৰু ৱিকিৰ আন আন সদস্যসকলে দেখুৱাই দিলে৷ তেওঁলোকৰ ওচৰতো মই চিৰকৃতজ্ঞ৷ আশা কৰাতকৈও বেছি সহায় সহযোগ পালোঁ সকলোৰে পৰা৷ খুবেই ভাল লাগিছে ৱিকিউৎসত কাম কৰি৷ অসমীয়া ভাষাটোৰ বাবে অন্তত কিবা এটা হ’লেও কৰাৰ সুযোগ পাইছোঁ৷ স্বেচ্ছাসেৱীসকলক উৎসাহিত কৰাৰ উদেশ্যে ৱিকিউৎসত মাজে মাজে কিছুমান প্ৰতিযোগিতাও অনুষ্ঠিত কৰা হয় আৰু বিজয়ী সকলক পুৰস্কৃতও কৰা হয়৷ ৱিকিপিডিয়ানসকলৰ কাম শিকাত যাতে সুবিধা হয় তাৰ বাবে মাজে মাজে অনলাইন ৱেবিনাৰ কিছুমানো অনুষ্ঠিত কৰা হয়৷ ৱিকিউৎসত কাম কৰি নিজেও যথেষ্ট উপকৃত হৈছোঁ৷ কাম কৰাৰ লগতে বহু পুৰণি কিতাপ ইয়াত পঢ়িবলৈ পাইছোঁ৷ আশা কৰোঁ এই ই-বুকসমূহ পঢ়ি নৱপ্ৰজন্ম যথেষ্ট উপকৃত হ’ব তথা মূল্যৱান অসমীয়া গ্ৰন্থসমূহো চিৰকালৰ বাবে সংৰক্ষিত হৈ ৰ’ব৷ ২০২০ চনটোত অতিমাৰী ন’ভেল ক’ৰোনাই আমাৰ মাজৰ পৰা বহু বিশিষ্ট ব্যক্তিক কাঢ়ি লৈ গ’ল৷ চিনাকি-অচিনাকি বহুজনক হেৰুৱালোঁ৷ কিন্তু কলীয়া ডাৱৰৰ মাজতো সূৰুযৰ এধানিমান কিৰণ আহি ধৰাত পৰাৰ দৰে ইমানবোৰ বেয়াৰ মাজতো কিছু ভাল সংযোগ ঘটিল মোৰ জীৱনত৷ কিছু সংখ্যক গুণীজ্ঞানী ব্যক্তিৰ লগত পৰিচয় ঘটিল৷ তেওঁলোকৰ উন্নতমানৰ চিন্তাচৰ্চা, কথা-বতৰা দেখি আপ্লুত হ’লোঁ৷ তেওঁলোকৰ লগত সাহিত্য আৰু অসমীয়া ভাষাৰ চৰ্চা কৰি বহু নজনা কথা জানিলোঁ, বহু উপকৃত হ’লোঁ৷ কোনোবাই মোক সুধিছিল তোমাৰ এইবোৰ কাম কৰি কি লাভ হ’ব! মই কৈছিলোঁ সকলোতে জানো লাভ লোকচান বিচৰা উচিত? আমি যে এডোখৰ ধুনীয়া ঠাইত ফুৰিবলৈ যাওঁ, মনে বিচৰা এটি গীত শুনো; সেইবোৰত জানো কিবা লাভ-লোকচান বিচাৰোঁ! সেইবোৰত পাওঁ কিছু মানসিক প্ৰশান্তি৷ তেনেদৰে ৱিকিউৎসত কাম কৰিও মানসিক সন্তুষ্টি আৰু প্ৰশান্তি লাভ কৰোঁ৷ ৱিকিউৎসত কাম কৰি কিমান ভাল লাগে সেই কথা এজন ৱিকিপিডিয়ানেহে ভালদৰে উপলব্ধি কৰিব পাৰে৷ সদৌ শেষত মোৰ মৰমৰ ভাষাটোৰ উত্তৰোত্তৰ কামনা কৰি মোৰ মনৰ কথা ইয়াতেই সামৰিলোঁ৷ চিৰ চেনেহী মোৰ ভাষা জননী৷ নমস্কাৰ৷
Pallabi Dutta.Baruah (
talk )
16:20, 31 January 2021 (ইউ.টি.চি.) [ উত্তৰ দিয়ক ]
ভাল প্ৰবন্ধ
উদ্বিগ্নতা মনোজগতৰ অস্থিৰতাৰ জৰিয়তে দেখা দিয়া এক বিশেষ অপ্ৰীতিকৰ অনাকাংক্ষিত আৱেগিক প্ৰাৱস্থা। মানসিক উদ্বিগ্নতা সাধাৰণতেই স্নায়ৱিক বিৱশতাৰ আচৰণ, যেনে উচপিচনি (লৰা-ঢপৰাকৈ অগা-পিছা কৰা), স্বেচ্ছাপ্ৰবৃত্ত বা ছ'মাটিক (somatic) উদ্বেগ আৰু অপ্ৰত্যাশিত পৰিস্থিতি বা ঘটনাৰ সম্পৰ্কে অস্থিৰ ৰোমন্থন বা পূৰ্বানুমান, ইত্যাদিৰ সৈতে সংপৃক্ত। স্বেচ্ছাপ্ৰবৃত্ত স্নায়ুতন্ত্ৰ (somatic nervous system) প্ৰান্তীয় স্নায়ুতন্ৰৰ এক অংশ, যি ঐচ্ছিক পেশীসমুহৰ মাধ্যমেৰে শৰীৰত লৰ-চৰ কৰা স্বতঃপ্ৰবৃত্ত ক্ৰিয়াসমূহ নিয়ন্ত্ৰণ কৰে, আৰু স্বেচ্ছাপ্ৰবৃত্ত বা ছ'মাটিক উদ্বেগ হৈছে এইসমূহৰ লগত জড়িত। ই মূলতঃ ভৱিষতব্য কোনো ঘটনাৰ সম্পৰ্কে পূৰ্বানুমানৰ জৰিয়তে সৃষ্ট অস্বস্তিকৰ আৰু অস্থিৰ মনোৱস্থা বা মানসিক সন্ত্ৰস্ততাৰ সৈতে জড়িত।
উদ্বিগ্নতা অস্বস্তি আৰু দুশ্চিন্তাৰ সৈতে জড়িত অপ্ৰীতিকৰ অনুভূতি। আপাতত সাধাৰণ পৰিস্থিতিকেই আত্মপ্ৰসূত চিন্তাৰে অ-কেন্দ্ৰীভুত আৰু অতিঃপ্ৰতিক্ৰিয়াশীল ত্ৰাসগ্ৰস্ত ৰূপ দিয়াকেই সাধাৰণতে মানসিকভাৱে উদ্বিগ্ন অৱস্থা হিচাপে চিহ্নিত কৰা হয়। উদ্বিগ্নতাৰ সৈতে প্ৰায়েই পেশীজনিত উত্তেজনা, অস্থিৰতা, ক্লান্তি আৰু মনোযোগহীনতাৰ সমস্যা সংপৃক্ত হৈ থাকে। উদ্বিগ্নতা ভীতিগ্ৰস্ততাৰ সৈতে ঘনিষ্ঠভাৱে জড়িত। ভীতিগ্ৰস্ততা বাস্তৱ আৰু অনুধাৱিত তাৎক্ষণিক বিপদৰ ভাবুকি বা উৎসৰ সৈতে জড়িত, আৰু উদ্বিগ্নতা ভৱিষ্যতৰ কোনো উপাদানৰ পৰা প্ৰত্যাশিত বিপদ বা শংকাৰ দ্বাৰা উদ্ভূত। উদ্বেগগ্ৰস্থ ব্যক্তিয়ে সাধাৰণতে অতীতৰ উদ্বিগ্নতা উদ্বুদ্ধকাৰী পৰিস্থিতিৰ পৰা আঁতৰি থাকিব খোজে।ইয়াত বিতংকৈ পঢ়ক
যোৱা মাহৰ ভাল প্ৰবন্ধ
অমিতাভ ঘোষ ৰ বিষয়ে
ইয়াত বিতংকৈ পঢ়িব পাৰে...
জানুৱাৰী-২০২১ত সৃষ্টি কৰা প্ৰবন্ধসমূহ
মুঠ প্ৰবন্ধৰ সংখ্যা = ৮৬
নিৰ্বাচিত চিত্ৰ
মাজুলী ৰ উত্তৰ কমলাবাৰী সত্ৰৰ ৰাসোৎসৱ ত শিশু কৃষ্ণৰ অভিনয়ৰ বাবে প্ৰসাধন গ্ৰহণ কৰি থকা অৱস্থাত এটি শিশু অভিনেতা।
জ্যোতি প্ৰকাশ নাথ
পদক
উল্লেখনীয় কাম
অসমীয়া ৱিকিপিডিয়াত লেখাৰ সংখ্যা ৭,৭৫৯
অসমীয়া ৱিকিউৎসত উপলব্ধ গ্ৰন্থৰ সংখ্যা ৩০৭ ৫ জানুৱাৰীৰ পৰা ২০ জানুৱাৰীলৈকে এখন অনলাইন আলোকচিত্ৰ প্ৰতিযোগিতা অনুষ্ঠিত হয়। প্ৰতিযোগিতাত প্ৰায় অৰ্ধশতক সদস্যই অংশগ্ৰহণ কৰি এহেজাৰৰো অধিক আলোকচিত্ৰ ৱিকিকমন্সলৈ আগবঢ়ায়।
পৰিসংখ্যা আৰু অন্যান্য
পৰিসংখ্যা অন্যান্য সংযোগ
ঘোষণা
.svg){kind=icon}
_-_The_Noun_Project.svg){kind=small}
