পিতা-পুত্ৰ (চলচ্চিত্ৰ)

এই প্ৰবন্ধটো মুনীন বৰুৱা পৰিচালিত অসমীয়া চলচ্চিত্ৰখনৰ বিষয়ে। একে নামৰ উপন্যাসখনৰ বাবে পিতা-পুত্ৰ (গ্ৰন্থ) চাওক।

পিতা-পুত্ৰ
পিতা-পুত্ৰৰ এলবাম কভাৰ
পৰিচালক	মুনীন বৰুৱা
কাহিনী	অমূল্য কাকতিৰ চুটিগল্প অংকুৰ
অভিনয়ত	বিজু ফুকন প্ৰাঞ্জল শইকীয়া
চিত্ৰগ্ৰহণকাৰী	ইন্দুকল্প হাজৰিকা
সংগীত পৰিচালক	ভূপেন উজীৰ
মুক্তি	১৯৮৮
দেশ	ভাৰত
ভাষা	অসমীয়া

পিতা-পুত্ৰ (ইংৰাজী: Pita Putra) ১৯৮৮ চনত মুক্তি পোৱা এখন অসমীয়া চলচ্চিত্ৰ৷ এইখন মুনীন বৰুৱাই এককভাবে পৰিচালনা কৰা প্ৰথম ছবি৷ সংগীত ভূপেন উজীৰৰ৷ মূল ভূমিকাত আছে বিজু ফুকন আৰু প্ৰাঞ্জল শইকীয়া৷ পিতা-পুত্ৰৰ আদৰ্শগত সংঘাটক কেন্দ্ৰ কৰি অমূল্য কাকতিয়ে ৰচনা কৰা অংকুৰ নামৰ গল্প এটাৰ আধাৰত ছবিখনৰ কাহিনী নিৰ্মাণ কৰা হৈছে৷ এইখন এখন সংলাপপ্ৰধান চলচ্চিত্ৰ।

কাহিনীৰ সাৰাংশ

এজন আদৰ্শবান ব্যক্তি আছিল অভিনন্দন চলিহা। কিন্তু টকাৰ অভাৱত কিশোৰ পুত্ৰৰ মৃত্যু হোৱাৰ পিছত তেওঁ দূৰ্নীতিৰ পংকত নিমজ্জিত হৈ পৰিল। কম সময়ৰ ভিতৰতে তেওঁ এজন ধনী-মানী আৰু প্ৰভাৱশালী ব্যক্তিলৈ পৰিবৰ্তিত হৈ গ'ল। কিন্তু তেওঁৰ জীয়াই থকা আনজন পুত্ৰ মানৱক দেখা গ'ল আদৰ্শৱান অভিনন্দন চলিহাৰ প্ৰতিৰূপ হিচাপে। দূৰ্নীতিৰ বিৰুদ্ধে সংগ্ৰামত জপিয়াই পৰিল মানৱ। এখন নিকা সমাজ গঢ়াৰ স্বাৰ্থত মানৱ আৰু তেওঁৰ বন্ধুহঁতে 'অংকুৰ' নামৰ বাতৰি কাকত প্ৰকাশ কৰি উলিয়ায়। তাতেই আৰম্ভ হ'ল পিতা-পুত্ৰৰ সংঘাট। এই সংঘাটেই চলচ্চিত্ৰখনৰ চালিকা শক্তি।

অভিনয় শিল্পী

• বিজু ফুকন (অভিনন্দন চলিহা)
• প্ৰাঞ্জল শইকীয়া (মানৱ)
• তপন দাস
• ৰাজীৱ গোস্বামী
• মিৰেল কুদ্দুছ
• আদিল হুছেইন
• মৃদুলা বৰুৱা
• বাহাৰুল ইছলাম
• আব্দুল মজিদ
• জয়ন্ত দাস
• সঞ্জীৱ হাজৰিকা
• বিজয় শংকৰ
• পূৰবী শৰ্মা (চলিহাৰ জীয়ৰী)
• মঞ্জুলা বৰুৱা (চলিহাৰ পত্নী)।

গীত

'পিতা-পুত্ৰ'ৰ সংগীত পৰিচালনা কৰিছিল ভূপেন উজীৰে। গীতিকাৰ আছিল হেমন্ত দত্ত৷ ছবিখনত মুঠ ছটা গীত আছে ৷

গীতৰ শীৰ্ষ
নং	শিৰোনাম	গীতিকাৰ	কন্ঠশিল্পী	দৈৰ্ঘ্য
1.	"হিয়াভৰা শুভ কামনাৰে"	হেমন্ত দত্ত	ডলী ঘোষ
2.	"তোমাক পালো মই"	হেমন্ত দত্ত	শান্তা উজীৰ, অশোক শইকীয়া
3.	"শৈশৱ মোৰ তৰা ফুলে বুটা বচা"	হেমন্ত দত্ত	শান্তা উজীৰ
4.	"দিন বাগৰিলে চা"	হেমন্ত দত্ত	সমৰ হাজৰিকা
5.	"এধানি শকতি দিয়া"	হেমন্ত দত্ত	ডলী ঘোষ, শান্তা উজীৰ
6.	"বন্ধ কৰিব মাত, বন্ধ কৰিব হাত বন্ধ কৰিব ক্ষোভ প্ৰকাশৰ পথ"	হেমন্ত দত্ত	অশোক শইকীয়া, সমৰ হাজৰিকা

বাহ্যিক সংযোগ

• পিতা-পুত্ৰ সম্পৰ্কে ইণ্টাৰনেট মুভি ডাটাবেছত থকা তথ্য।