ব্ৰেইল্

অসমীয়া ৱিকিপিডিয়াৰ পৰা
ব্ৰেইল্‌ (Braille)
finger tip touching page with raised dots
Type বৰ্ণমালা (nonlinear)
Languages বহুতো
Creator লুই ব্ৰেইল্‌
Time period ১৮২৪-বৰ্তমানলৈ
Parent systems
Child systems ফৰাছী ব্ৰেইল্‌
ইংৰাজী ব্ৰেইল্‌
ভাৰতীয় ব্ৰেইল্‌
চীনা ব্ৰেইল্‌
জাপানী ব্ৰেইল্‌
কোৰীয় ব্ৰেইল্‌
etc.
Sister systems নিউ য়ৰ্ক পইণ্ট
ISO 15924 Brai, 570
Direction Left-to-right
Unicode alias Braille
Unicode range U+2800–U+28FF

ব্ৰেইল্‌ /ˈbrl/ (ফ্ৰেঞ্চ উচ্চাৰণ: [bʁaj]) হৈছে অন্ধ বা চকুৰে কম দেখা লোকে ব্যৱহাৰ কৰা এটা স্পৰ্শীয় (tactile) লিখন পদ্ধতি। পৰম্পৰাগতভাৱে ইয়াক এম্‌বছ কাগজত লিখা হয়। ব্ৰেইল্‌ ব্যৱহাৰকাৰীয়ে refreshable braille display-ৰ সহায়ত কম্পিউটাৰ স্ক্ৰীন বা আন ইলেক্‌ট্ৰনিক সঁজুলিত আখৰ পঢ়িব পাৰে। তেওঁলোকে স্লে'ট আৰু ষ্টাইলাছেৰে ব্ৰেইল্‌ লিখিব পাৰে বা পৰ্টেবল ব্ৰেইল্‌ ন'টটেকাৰৰ দৰে ব্ৰেইল্‌ ৰাইটাৰত টাইপ কৰিব পাৰে।

ফৰাছী স্ৰষ্টা লুই ব্ৰেইল্‌ৰ নামেৰে এই পদ্ধতিটোৰ নাম ৰখা হৈছে। সৰুকালত এক দুৰ্ঘটনাত তেওঁ দৃষ্টিশক্তি হেৰুৱাইছিল। ১৮২৪ চনত ১৫ বছৰ বয়সত নৈশ লিখনৰ সংশোধনেৰে ব্ৰেইলে ফৰাছী বৰ্ণমালাৰ এক সংকেত বিকাশ কৰে। ১৮২৯ চনত সংগীতৰ ন'টচন সামৰি তেওঁ এই পদ্ধতি প্ৰকাশ কৰে।[1][2] ১৮৩৭ চনত প্ৰকাশিত দ্বিতীয় সংস্কৰণ আছিল আধুনিক যুগত বিকশিত প্ৰথম বাইনেৰী লিখন পদ্ধতি।

ব্ৰেইল্‌ চিহ্নসমূহ চাৰিচুকীয়া যাক cells বোলে আৰু ইয়াত উঠন raised dots কিছুমান থাকে। এই ডট্‌বোৰৰ সংখ্যা আৰু বিন্যাসে এটা আখৰক আনবোৰৰ পৰা পৃথক কৰে। বিভিন্ন ব্ৰেইল্‌ বৰ্ণমালাসমূহ ছপা শব্দৰ প্ৰতিলিপিকৰণ সংকেত হিচাপে বিকশিত হোৱা বাবে ভাষাভেদে মেপিং (আখৰৰ স্থান) বেলেগ বেলেগ হয়। ইয়াৰ উপৰি ইংৰাজী ব্ৰেইল্‌ত সংকেতৰ তিনিটা স্তৰ আছে।

ব্ৰেইল্‌ পাঠ্যত কেৱল ব্ৰেইল্‌ কোষবোৰেই নাথাকে। ইয়াত ছবি, গ্ৰাফ আদিও থাকিব পাৰে। এটা সম্পূৰ্ণ ব্ৰেইল্‌ কোষত দুটা শাৰীত তিনিটাকৈ ছটা উঠন ডট্‌ থাকে।[3] ডট্‌বোৰৰ স্থান একৰ পৰা ছয়লৈকে নিৰ্দিষ্ট কৰা হয়।[3] এক বা ততোধিক ডট্‌ ব্যৱহাৰ কৰি ৬৪টা ব্যৱস্থ সম্ভৱ।[3] এটা কোষেৰে এটা আখৰ, সংখ্যা, যতি চিহ্ন, বা এটা শব্দও বুজাব পাৰি।[3]

স্ক্ৰীন ৰিডাৰৰ প্ৰচলনে ব্ৰেইলৰ ব্যৱহাৰ কমাই আনিছে। কিন্তু বানান আৰু যতি শিকাবৰ বাবে অন্ধ বা দৃষ্টিশক্তিহীনৰ বাবে ব্ৰেইল্‌ শিক্ষা গুৰুত্বপূৰ্ণ।

টোকা[সম্পাদনা কৰক]

তথ্যসূত্ৰ[সম্পাদনা কৰক]

বাহ্যিক সংযোগ[সম্পাদনা কৰক]