অসমৰ তামোল-পাণ সংস্কৃতি

অসমীয়া ৱিকিপিডিয়াৰ পৰা


তামোল-পাণৰ ব্যৱহাৰ অসমীয়া সংস্কৃতিৰ এটা অপৰিহাৰ্য অংগ। বিয়া, সবাহ, অন্নপ্ৰশন আদিকে ধৰি সকলো মাংগলিক তথা ৰাজহুৱা কাম সকামত ইয়াৰ ব্যৱহাৰ হয়। সাধাৰনতে অসমৰ গাঁওবোৰত ইয়াৰ অধিকতম প্ৰচলন দেখা পোৱা যায় যদিওঁ চহৰ অঞ্চলটো ইয়াৰ ব্যৱহাৰ কম নহয়। বৰ্তমান অসমত বহুলোকেই তামোল পাণ বিক্ৰী কৰিয়েই জীৱন নিৰ্বাহ কৰি আছে।

চিত্ৰ:তামোল পাণ.jpg
বঁটাত সজাই পৰাই দিয়া তামোল, পাণ, চূন আৰু ধপাত
শৰাইত সজাই পৰাই দিয়া শুকান তামোলৰ টুকুৰা (চুপাৰী) আৰু পাণ

সাংস্কৃতিক আৰু সামাজিক প্ৰমূল্য[সম্পাদনা কৰক]

চাহ, জলপান নাইবা ভাত খোৱাৰ পাছত পিছত তামোল-পাণ খাই মুখ সতেজ কৰা হয়। গুৰু-গোঁসাই, ভকত বৈষ্ণৱ, বন্ধু-বান্ধৱ অথবা মিতিৰ-কুটুমক তামোল-পাণেৰে সন্মান যাচে। বিয়া, সকাম বা বিভিন্ন সৰু বৰ অনুষ্ঠানত তামোল-পাণ পৰিবেশন কৰা হয়। অসমৰ ঠাই বিশেষে দোষীজনেও তামোল-পাণ আগবঢ়াই ৰাইজৰ ওচৰত ক্ষমা-ভিক্ষা মাগে। অসমীয়া লোকৰ বিয়াৰ দিনাখন পদূলিমূখত শৰাইত এথোক তামোল থৈ ৰাইজক আদৰণি জনোৱা হয়।


উত্পত্তি[সম্পাদনা কৰক]

এটা পকা তামোল
পাণ গছৰ সৈতে পাত

তামোল গছৰ পৰা তামোলৰ উত্পত্তি হয় আৰু পান গছৰ পাতৰ পৰা পান। তামোল-পাণ এটা আনটোৰ পৰিপূৰক। তামোল (ইংৰাজী: Areca Nut), তামোল গছত লগা এবিধ ফল। তামোলৰ বিজ্ঞান ভিত্তিক নাম Areca catechu। এই গছডাল প্ৰাপ্তবয়স্ক অৱস্থালৈ দীঘলে প্ৰায় ৫০ ফুটমান ওখ আৰু ৬-৭ ইঞ্চিমান বহল হয়। পাণ (ইংৰাজী: Piper betle) এবিধ লতা জাতীয় গছ। অসমত সাধাৰনতে তামোল, মদাৰ, নাৰিকল আদি গছৰ গুৰিত ইয়াক ৰোপন কৰা হয়। কোনো কোনো ঠাইত বাঁহৰ চাং পাতিও ইয়াৰ খেতি কৰা হয়।


আখ্যান[সম্পাদনা কৰক]

শাস্ত্ৰ অনুসৰি তামোল-পাণৰ এটি আখ্যানো পোৱা যায়। এদিন কৃষ্ণৰাধাক নোকোৱাকৈ বিজেতাৰ ঘৰলৈ গল। ৰাধাই জানিব পাৰি কথাৰ সত্যতা প্ৰমাণ ল’বলৈ বিজেতাৰ ঘৰ ওলোৱাত শ্ৰীকৃষ্ণই ৰাধা আগমনৰ গম পাই তেওঁ নিজৰ ৰূপ সলাই তাতেই এজোপা তামোল গছ হৈ পৰিল আৰু বিজেতায়ো সেই জোপা তামোলতেই পাণ গছ হৈ বগাই পৰিল। তামোল গছৰ ফল ‘তামোল’ আৰু পাণ গছৰ ফল ‘পাণ’ হয়। তামোলক যোৰা (২টা) বা হালি (৪টা) বুলি গণনা কৰা হয় । আনহাতে পাণক বিজেতাৰ পৰা হোৱাৰ বাবে বীৰা হিচাপে গণনা কৰে। উক্ত ফল বৈকুণ্ঠৰ, আৰু দেৱ-ভোগ্য দেৱতাৰ বস্তু হল । নাৰদ মুনিয়ে এই ফল বৈকুণ্ঠৰ পৰা মানৱৰ ভোগৰ বাবে পৃথিৱীলৈ আনি পৃথিৱীত বিলাই দি এক উচ্চ মানদণ্ডৰ সামগ্ৰী কৰিলে।

পৰিবেশন[সম্পাদনা কৰক]

অসমীয়া লোকৰ আন এক সাংস্কৃতিক প্ৰতীক শৰাই বা বঁটাত তামোল পাণ কাটি চাধা বা ধপাত আৰু চূনৰ সৈতে ইয়াক সাধাৰনতে পৰিবেশন কৰা হয়।

ফলৰ সৈতে তামোল গছ


তামোল পাণৰ কুপ্ৰভাৱ[সম্পাদনা কৰক]



তথ্য সংগ্ৰহ[সম্পাদনা কৰক]