য়েছে দৰজে ঠংচি
| য়েছে দৰজে ঠংচি | |
|---|---|
 | |
| জন্ম | ১৯৫২ চন পশ্চিম কামেং জিলা, অৰুণাচল প্ৰদেশ |
| পেচা | সাহিত্যিক, গল্পকাৰ |
| ৰাষ্ট্ৰীয়তা | ভাৰতীয় |
| নাগৰিকত্ব | ভাৰতীয় |
| উল্লেখনীয় কৰ্মৰাজী | মৌন ওঁঠ মুখৰ হৃদয় |
| উল্লেখযোগ্য বঁটা | সাহিত্য অকাডেমি বঁটা, ২০০৫[1] |
য়েছে দৰজে ঠংচি (ইংৰাজী: Yese Dorje Thongsi) এগৰাকী বিশিষ্ট ঔপন্যসিক আৰু গল্পকাৰ। ’জোনবাই’ নামৰ কবিতা লিখি সাহিত্যিক জীৱন আৰম্ভ কৰা ঠংচিয়ে স্কুলীয়া দিনৰে পৰা সাহিত্য-চৰ্চাত মনোনিবেশ কৰিছিল। প্ৰথমাৱস্থাত কবিতা আৰু নাটক ৰচনাতে নিজৰ সৃষ্টিক আবদ্ধ কৰি ৰাখিছিল যদিও পিছলৈ গল্প আৰু উপন্যাসলৈ তেওঁ সাহিত্য কৰ্মৰ প্ৰসাৰণ ঘটায়। তেওঁৰ ভালেমান গল্প ’সংগম’, ’মনোৰঞ্জন’, ’প্ৰান্তিক’, ’গৰীয়সী’ আদি আলোচনীৰ পাতত সিচঁৰিত হৈ আছে। তেওঁ ’মৌন ওঁঠ মুখৰ হৃদয়’ নামৰ উপন্যাসৰ বাবে সাহিত্য অকাডেমি বঁটা আৰু ভাষা ভাৰতী সাহিত্য পুৰস্কাৰ লাভ কৰে আৰু ’পাপৰ পুখুৰী’ নামৰ গল্প সংকলনৰ বাবে অসম সাহিত্য সভাৰ বিষ্ণু ৰাভাৰ বঁটা লাভ কৰে।
সূচী
জন্ম আৰু শিক্ষা[সম্পাদনা কৰক]
১৯৫২ চনত নেফাৰ কামেং সীমান্ত বিভাগৰ (বৰ্তমান অৰুণাচল প্ৰদেশৰ পশ্চিম কামেং জিলা) জগং (জী) নাম গাঁৱৰ এটি চেৰদুকপেন সম্প্ৰদায়ৰ পৰিয়ালত ঠংচিদেৱৰ জন্ম।[2] তেখেতে জীগাঁও প্ৰাথমিক বিদ্যালয়, বোমডিলা চৰকাৰী উচ্চতৰ মাধ্যমিক বিদ্যালয়ত শিক্ষা গ্ৰহণ কৰি কটন কলেজত পঢ়িবলৈ লয় আৰু কটন কলেজৰ পৰা অসমীয়াত অনাৰ্ছসহ স্নাতক ডিগ্ৰী লাভ কৰে। তাৰ পিছত গুৱাহাটী বিশ্ববিদ্যালয়ৰ পৰা অসমীয়া ভাষাত স্নাতকোত্তৰ ডিগ্ৰী অৰ্জন কৰে। তেওঁ ১৯৭৭ চনত অৰুণাচল প্ৰদেশ অসামৰিক সেৱাত যোগদান কৰে। ১৯৯২ চনত তেওঁ ভাৰতীয় প্ৰশাসনীয় সেৱালৈ পদোন্নতি লাভ কৰে।
কৰ্মজীৱন[সম্পাদনা কৰক]
১৯৭৭ চনত অৰুণাচল প্ৰদেশ প্ৰশাসনিক সেৱাত যোগদান কৰি ১৯৯২ চনত ভাৰতীয় প্ৰশাসনিক সেৱালৈ পদোন্নতি লাভ কৰে। ১৯৯৩ চনৰ পৰা টাৱাং, নামনি সোৱণশিৰি, চাংলাং, লোহিত আৰু পূব কামেং জিলাৰ উপায়ুক্ত হিচাপে সেৱা আগবঢ়াই বৰ্তমান তেওঁ অৰুণাচল প্ৰদেশ চৰকাৰৰ পৰ্যটন আৰু সাংস্কৃতিক পৰিক্ৰমা, নগৰ উন্নয়ন, গৃহ নিৰ্মাণ আৰু পৰিকল্পনা আদি বিভাগৰ সচিব পদত কাৰ্যনিৰ্বাহ কৰি আছে।
উল্লেখযোগ্য বঁটা[সম্পাদনা কৰক]
- সাহিত্য অকাডেমি বঁটা, ২০০৫
- ভাষা-ভাৰতী সাহিত্য পুৰস্কাৰ [3]
- অসম সাহিত্য সভাৰ বিষ্ণু ৰাভা বঁটা
সাহিত্যিক অৱদান[সম্পাদনা কৰক]
অসম সাহিত্য সভাৰ দ্বাৰা প্ৰথম প্ৰকাশিত গ্ৰন্থ কামেং সীমান্তৰ সাধু
উপন্যাস[সম্পাদনা কৰক]
চুটিগল্প সংকলন[সম্পাদনা কৰক]
আত্মজীৱনী[সম্পাদনা কৰক]
হাঁহি আৰু চকুলোৰ শৈশৱ
তথ্য সংগ্ৰহ[সম্পাদনা কৰক]
- ↑ "সাহিত্য অকাডেমি বঁটা বিজয়ী অসমীয়াসকলৰ তথ্য". সাহিত্য অকাডেমি. http://sahitya-akademi.gov.in/sahitya-akademi/showSearchAwardsResult.jsp?year=&author=&awards=AA&language=ASSAMESE। আহৰণ কৰা হৈছে: নৱেম্বৰ ১৬, ২০১২.
- ↑ “মৌন ওঁঠ মুখৰ হৃদয়” গ্ৰন্থত সন্নিবিষ্ট পৰিচয়ৰ পৰা।
- ↑ kitap.co.in
