গোলাঘাট জিলা

অসমীয়া ৱিকিপিডিয়াৰ পৰা
(Golaghat districtৰ পৰা পুনঃনিৰ্দেশিত)
Jump to navigation Jump to search


গোলাঘাট জিলা
গোলাঘাট জিলা
Assam Golaghat locator map Assamese.svg

অসমত গোলাঘাটৰ অৱস্থান
ৰাজ্য অসম,  ভাৰত
সদৰ গোলাঘাট
মাটিকালি 3,502 বৰ্গ কি.মি. (1 বৰ্গ মিটাৰ)
জনসংখ্যা 1058674 (2011)
জনসংখ্যাৰ ঘনত্ব 302 /km2 (780 /sq mi)
লোকসভা সমষ্টি কলিয়াবৰ
বিধানসভা সমষ্টি বোকাখাট
সৰুপথাৰ
খুমটাই
গোলাঘাট
ঘাইপথ ৩৭ নং
আনুষ্ঠানিক ৱেবছাইট

গোলাঘাট জিলা অসমৰ ৩৩ খন জিলাৰ ভিতৰত অন্যতম। এই জিলাৰ তিনিটা মহকুমা হ'ল গোলাঘাট, ধনশিৰী আৰু বোকাখাট। জিলাৰ সদৰ ঠাই গোলাঘাট নগৰ। জিলাখনৰ মাটিকালি ৩৫০২ বৰ্গ কিঃমিঃ। ১৯৮৭ চনত জিলা ঘোষিত হোৱা এই জিলাৰ জনসংখ্যা ২০১১ চনৰ লোকপিয়ল অনুসৰি ১০,৫৮,৬৭৪ জন। ইয়াৰে ৫,৩৯,৯৪৯ জন পুৰুষ আৰু ৫,১৮,৭২৫ গৰাকি মহিলা। [1]

গোলাঘাট নামৰ উৎপত্তি[সম্পাদনা কৰক]

গোলাঘাট নামৰ উ‍ৎপত্তিৰ এক মনোৰম কাহিনী আছে। ১৯শতিকাৰ মাজভাগত মাৰোৱাৰী ব্যৱসায়ীসকলে ধনশিৰী নৈৰ ঘাটৰ কাষতে কিছু গোলা অৰ্থাৎ সৰু দোকান পাতিছিল। এই ঠাইতে পাছলৈ নগৰ গঢ়লৈ উঠে গোলাঘাট নামেৰে।[2]

ইতিহাস[সম্পাদনা কৰক]

সৰুপথাৰৰ নগাজৰী খনিকৰ গাঁওত পোৱা ৫ম শতিকাৰ শিলালিপিৰ পৰা বুজা যায় যে সেই সময়ত দৈয়াং-ধনশিৰী উপত্যকাত এক স্বাধীন ৰাজ্য আছিল। আকৌ এই অংশত পোৱা নানান ইটাৰে নিৰ্মিত ভৱন, মঠ-মন্দিৰ আদিৰ ধংসাৱশেষ আদিয়ে ৯ম-১০ম শতিকাৰ এখন ৰাজ্যৰ ওমান দিয়ে।

১৬ শতিকাত এই দৈয়াং-ধনশিৰী উপত্যকা আহোম ৰাজ্যত চামিল হয়। আহোমসকলে এই ঠাই কছাৰীসকলৰ পৰা দখল কৰে। আহোমৰ ৰাজত্বকালত এই ঠাইৰ শাসনৰ দায়িত্ব মৰঙীখোৱা গোহাঁইৰ আছিল।[2]

গোলাঘাট জিলা গঠন

ইংৰাজ শাসনকালত এই দৈয়াং-ধনশিৰী উপত্যকা বৃহত্তৰ শিৱসাগৰ জিলাৰ অন্তৰ্গত আছিল। ১৯৮৭ চনৰ ১৫ আগষ্টত গোলাঘাটক এখন জিলা ঘোষণা কৰা হয়।[2]

প্ৰশাসনিক বিভাজন[সম্পাদনা কৰক]

গোলাঘাট জিলাখন চাৰিটা অসম বিধান সভা সমষ্টিৰ অন্তৰ্গত: বোকাখাট, সৰুপথাৰ, গোলাঘাট আৰু খুমটাই।[3] এই চাৰিওটা সমষ্টি কলিয়াবৰ লোকসভা সমষ্টিৰ অন্তৰ্গত।[4]

বনাঞ্চল[সম্পাদনা কৰক]

বনজ সম্পদত গোলাঘাট জিলা চহকী। ইয়াত কাজিৰঙা ৰাষ্ট্ৰীয় উদ্যান, গৰমপানী অভয়াৰণ্য আৰু নামবৰ দৈগ্ৰুং অভয়াৰণ্য অৱস্থিত। এশিঙীয়া গঁড়ৰ বাসস্থান তথা বিশ্ব ঐতিহ্যক্ষেত্ৰ কাজিৰঙা ৰাষ্ট্ৰীয় উদ্যান দেশী বিদেশী পৰ্যটকৰ অন্যতম আকৰ্ষণৰ কেনদ্ৰ। কাজিৰঙাৰ মুঠ মাটিকালি ৩৭৮ বৰ্গ কি.মি., আৰু অধিকাংশই গোলাঘাট জিলাৰ অন্তৰ্গত। ৯৭.১৫ বৰ্গ-কিলোমিটাৰ আগুৰা নামবৰ দৈগ্ৰুং অভয়াৰণ্য গৰমপানীৰ উঁহৰ বাবে বিখ্যাত।

তথ্য সংগ্ৰহ[সম্পাদনা কৰক]

  1. "census Golaghat". censusindia.co.in. http://www.census2011.co.in/census/district/152-golaghat.html। আহৰণ কৰা হৈছে: January 14, 2012. 
  2. 2.0 2.1 2.2 "গোলাঘাটৰ ইতিসাহ". http://golaghat.gov.in/history.htm। আহৰণ কৰা হৈছে: June 24, 2012. 
  3. "List of Assembly Constituencies showing their Revenue & Election District wise break - up". Chief Electoral Officer, Assam website. http://ceoassam.nic.in/Gen_Informations/2.1%20-%20DEOs%20wise%20ACs%20breakup.pdf। আহৰণ কৰা হৈছে: 26 September 2011. 
  4. "List of Assembly Constituencies showing their Parliamentary Constituencies wise break - up". Chief Electoral Officer, Assam website. http://ceoassam.nic.in/Gen_Informations/2.2%20-%20PC-wise%20LAC%20breakup.pdf। আহৰণ কৰা হৈছে: 26 September 2011.