ৱিকিপিডিয়ানৰ মনৰ কথা  |
ভাষাৰ সুৰক্ষা কেৱল ভাষাটো কোৱা অথবা লিখা মানুহসকলৰ হাততেই কেন্দ্ৰীভূত হৈ নাথাকে। ভাষাৰ সুৰক্ষা বহুলাংশে ভাষাটোৰ ঐতিহ্যৰ সংৰক্ষণ, কালৰ ক্ৰমত ঘটা পৰিবৰ্ধন আৰু পৰিমাৰ্জনৰ অভিলেখ তথা প্ৰযুক্তিৰ দ্ৰুত উত্তৰণৰ সৈতে ইয়াৰ শ্ৰীবৃদ্ধিকৰণৰ ওপৰতো নিৰ্ভৰ কৰে।
অসমীয়া ভাষাৰ চৰ্চা আৰু ইয়াৰ ব্যৱহাৰৰ ইতিহাস তথা বৰ্তমানৰ পৰিস্থিতিলৈ চালে আমি দেখো যে ভাষাটোৰ অধিকাংশ ব্যৱহাৰকাৰীয়েই, সততে যিসকলে ভাষাটোৰ সাধনালব্ধ চৰ্চা নকৰে নাইবা সাহিত্যৰ কোনো ক্ষেত্ৰতেই ওতপ্ৰোত ভাবে জড়িত নহয়, ভাষাটোক শিক্ষাগ্ৰহণৰ এক আংগিকমাত্ৰ অথবা সাধাৰণ এক সামাজিক উপাদান মাত্ৰ বুলি গণ্য কৰে। ভাষাৰ প্ৰয়োজনীয়তাই খাদ্য, বস্ত্ৰ আৰু বাসস্থানৰ সমমৰ্যাদা এতিয়ালৈকে লাভ কৰা নাই। সেয়েহে ভাষাটোৰ সুৰক্ষিত ব্যৱহাৰ, যথাযথ সংৰক্ষণ আৰু সৰ্বোতোপৰি ইয়াৰ গতি-প্ৰকৃতিৰ প্ৰতি সূক্ষ্মদৃষ্টি ৰখাটো অধিকাংশ অসমীয়াভাষীৰ বাবে অপৰিহাৰ্য কথা নহয়। কিন্তু ইংৰাজীৰ দৰে ভাষা এটাই মৌলিক প্ৰয়োজনৰ সমপৰ্যায়ৰ স্থান অধিকাৰ কৰাৰ পৰিপ্ৰেক্ষিতত সেই ভাষাৰ কদাচিত ভুল চৰ্চা হ'লেও ভাষাটোৰ ক্ষতি নহয় বুলি হীৰেন ভট্টাচাৰ্যদেৱে কৈছে, যি ভুল চৰ্চা অসমীয়া ভাষাৰ বাবে মাৰাত্মক কথা। এইখিনিতেই ভাষা ব্যৱহাৰকাৰী আৰু ভাষা চৰ্চাকাৰী মানুহখিনিৰ পাৰ্থক্য। চৰ্চাকাৰীসকলে ভাষাটোৰ উন্নতিৰ হকে অবিৰত কাম কৰি থকাৰ বিপৰীতে ব্যৱহাৰকাৰীসকলে ভাষাৰ প্ৰতি অমনোযোগী হোৱা বাবেই বৰ্তমান অসমীয়া ভাষাৰ অস্তিত্বৰ সংকটৰ প্ৰশ্নটো আহি পৰিছে।
অসমীয়া ভাষাক এক মৌলিক প্ৰয়োজন কৰি তোলাটো প্ৰতিজন ভাষা চৰ্চাকাৰীৰ লক্ষ্য হোৱা উচিত আৰু সেই লক্ষ্যৰ আখৰুৱা পথতেই অসমীয়া ৱিকিমিডিয়াই জন্ম লাভ কৰি দিনে দিনে বিকাশ আৰু প্ৰকাশৰ দিশে উধাইছে। মাৰ্চ মাহৰ প্ৰুফৰীডাথন প্ৰতিযোগিতাত অসমীয়া ভাষাৰ প্ৰদৰ্শন অত্যন্ত সন্তোষজনক। এনে ধাৰাবাহিকতা আগলৈয়ো অক্ষুণ্ণ থাকক। প্ৰতিজন ৱিকিমিডিয়ানেই অসমীয়া ভাষাৰ বৃহৎ জলধিত দৈনিক বিন্দুমাত্ৰ অৰিহণা হ'লেও আগবঢ়াওক আৰু তাত উচ্চল তৰংগৰ সঘন আৱিৰ্ভাৱ ঘটি থাকক, এয়াই আমাৰ কাম্য।
Drnayanjyoti (বাৰ্তা) 12:42, 3 April 2022 (ইউ.টি.চি.)[উত্তৰ দিয়ক]
|
ভাল প্ৰবন্ধ |
ত্ৰিভংগ হৈছে পৰম্পৰাগত ভাৰতীয় কলা আৰু ওডিছী নৃত্য, ভাৰতীয় শাস্ত্ৰীয় নৃত্যপ্ৰকাৰত ব্যৱহৃত এক ভংগীমা বা শৰীৰৰ স্থিতি। এই ভংগীমাত দেহৰ আঁঠুৰ ফালে এটা দিশত কঁকালত আৰু তাৰ পিছত পুনৰ কান্ধ আৰু ডিঙিত আনটো দিশত বেঁকা হৈ শৰীৰৰ তিনিটা ভাঁজৰ সৃষ্টি কৰে। ভাৰতীয় কলাত ব্যৱহৃত এই ভংগীমা কমেও ২০০০ বছৰ পুৰণি। ভাৰতীয় ভাস্কৰ্য আৰু চিত্ৰকলাৰ অগণন উদাহৰণত বাৰে বাৰে ইয়াৰ পুনৰাবৃত্তি হোৱা দেখা যায়। ভাৰতীয় ধৰ্মই ইয়াক পূব আৰু দক্ষিণ-পূব এছিয়ালৈ লৈ গৈছিল। পাশ্চাত্য কলাৰ কণ্ট্ৰেপোষ্টো আৰু "এছ কাৰ্ভ" অৰ্থাৎ ইংৰাজী 'S' আকৃতিৰ দৰে ভাঁজৰ সমতুল্য ত্ৰিভংগয়ে চিত্ৰসমূহত গতিক সূচায় আৰু "ছন্দময় তৰলতা আৰু যৌৱন শক্তি"ক প্ৰতিনিধিত্ব কৰে। সবিশেষ ইয়াত পঢ়ক...
যোৱা মাহৰ ভাল প্ৰবন্ধ যোৱা মাহৰ ভাল প্ৰবন্ধ সংগীতা কাকতি ৰ বিষয়ে ইয়াত বিতংকৈ পঢ়ক। |
মাৰ্চ-২০২২ত সৃষ্টি কৰা প্ৰবন্ধসমূহ |
মুঠ প্ৰবন্ধৰ সংখ্যা = ১৩১
|
|
|
নিৰ্বাচিত চিত্ৰ |
|
|
ঈশান জ্যোতি বৰা: ২০১৬ চনৰ পৰা ৱিকিপিডিয়াৰ সৈতে জড়িত এজন দক্ষ আৰু কৌশলী ৱিকিপিডিয়ান। নগাঁৱৰ এই ৱিকিমিডিয়ান গৰাকীয়ে অসমীয়া ৱিকিপিডিয়াত কৰা সম্পাদনাৰ সংখ্যা ৪,৪২১ আৰু সৃষ্টি কৰা পৃষ্ঠাৰ সংখ্যা ৪১৯। অসমীয়া ৱিকিপিডিয়াৰ লগতে তেওঁ অসমীয়া ৱিকিউৎস, ইংৰাজী ৱিকিপিডিয়া, ৱিকিমিডিয়া কমন্স আদি কেইবাটাও প্ৰকল্পত বৰ্তমানলৈকে মুঠ ১১,৫১৮টা সম্পাদনা কৰিছে। অমূল্য অৱদানৰ বাবে অসমীয়া ৱিকিমিডিয়া সমাজে তেওঁক “বৰ্ষশ্ৰেষ্ঠ প্ৰবন্ধকাৰ পদক”, “জীৱনীকাৰ পদক”, "বিশিষ্ট লেখক পদক", গ্ৰন্থকীট পদক আদি পদকেৰে কেইবাবাৰো সন্মানিত কৰিছে। আমি তেওঁৰ উত্তৰোত্তৰ উন্নতি কামনা কৰিলোঁ।
|
পদক |
|
১-১৬ মাৰ্চ, ২০২২ত অনুষ্ঠিত হোৱা
সৰ্বভাৰতীয় ভাষাৰ ৱিকিউৎস মুদ্ৰণ সংশোধন প্ৰতিযোগিতাত অসমীয়া ভাষাৰ স্থানপ্ৰাপ্তসকল
|
মাৰ্চ-২০২২ৰ বিশেষ অভিলেখ |
১ মাৰ্চৰ পৰা ১৬ মাৰ্চলৈকে অনুষ্ঠিত হোৱা সৰ্বভাৰতীয় পৰ্যায়ৰ ৱিকিউৎস মুদ্ৰণ সংশোধন প্ৰতিযোগিতাত অসমীয়া ভাষাৰ ৱিকিউৎসই বাৰটা ভাষাৰ ভিতৰত দ্বিতীয় স্থান দখল কৰে৷ মুঠ এশগৰাকী প্ৰতিযোগীয়ে অংশগ্ৰহণ কৰা প্ৰতিযোগিতাখনিত অসমীয়া ৱিকিউৎসৰ প্ৰাণজ্যোতি নাথে ৰাষ্ট্ৰীয় পৰ্যায়ত প্ৰথম স্থান দখল কৰে৷ ১৮ গৰাকী ৱিকিমিডিয়ানে এই প্ৰতিযোগিতাত মুঠ ৩৪ খন ন-পুৰণি অসমীয়া গ্ৰন্থৰ ডিজিটেলকৰণৰ কাম হাতত লয় আৰু ২১ খন গ্ৰন্থৰ কাম সম্পূৰ্ণ কৰে৷
|
উল্লেখনীয় কাম |
- অসমীয়া ৱিকিপিডিয়াত লেখাৰ সংখ্যা ১০,১৫২ টালৈ বৃদ্ধি পালে।
- অসমীয়া ৱিকিউৎসত উপলব্ধ গ্ৰন্থৰ সংখ্যা ৪৩১ খনলৈ বৃদ্ধি পালে।
- অসমীয়া ৱিকিউৎসত শেহতীয়াকৈ সম্পূৰ্ণ হোৱা গ্ৰন্থৰ তালিকা:
- সৰ্ব্বোদয় (লেখক: মহাত্মা গান্ধী)
- দৰবাৰ (লেখক: বেণুধৰ ৰাজখোৱা, ১৯০২)
- শিপিনী কীৰ্ত্তন (লেখক: বিনন্দ ৰাম গগৈ, ১৯০৭)
- বালীবধ নাটক (লেখক: দুৰ্গেশ্বৰ শৰ্মা, ১৯১২)
- আৰ্হি-চৰিত (লেখক: ফণিধৰ চলিহা, ১৯১২)
- মূৰলী (লেখক: সৰ্বেশ্বৰ শৰ্মা কটকী, ১৯২৪)
- সাধু কথাৰ জোলোঙা (লেখক: জ্ঞানানন্দ জগতী, ১৯২৬ )
- বেজবৰুৱা বংশাৱলী (লেখক: দীননাথ বেজবৰুৱা, ১৯২৬ )
- বৈষ্ণব-ৰত্ন কীৰ্ত্তন (লেখক: শিবৰাম দত্ত, ১৯২৭)
- সত্যনাথ বৰাৰ জীৱন চৰিত (লেখক: সৰ্বেশ্বৰ শৰ্মা কটকী, ১৯২৮ )
- অসমীয়া সাহিত্য-সম্পদ (লেখক: সন্মিলিত, ১৯২৯)
- পদ্যাৱলী (লেখক: শ্ৰীবিষয়চন্দ্ৰ বিশ্বাসী, ১৯৩১)
- শ্ৰীক্ষেত্ৰ (লেখক: হৰমোহন দাস, ১৯৩৭)
- মানৱ জ্যোতি (লেখক: হৰমোহন দাস, ১৯৩৭)
- ভ্ৰম-ৰঙ্গ (লেখক: ৰত্নধৰ বৰুৱা, ঘনশ্যাম বৰুৱা, ৰমাকান্ত বৰকাকতী, গুঞ্জানন বৰুৱা, ১৯৩৭)
- দধি মথন নাট (লেখক: মাধৱদেৱ, ১৯৩৯)
- তৰা ফুল (লেখক: কেশৱ বৰা, ২০১০)
- মাটিৰ মালিতা (লেখক: কেশৱ বৰা, ২০১৩)
- বেদনাৰ মিঠা মাদকতা (লেখক: জোৱলা বৰা, ২০১৩)
- মই যন্ত্ৰণা জয় কৰাৰ পণ লৈছোঁ (লেখক: জোৱলা বৰা, ২০১৬)
- বিজ্ঞান আৰু বোলছবি (লেখক: ঈশান জ্যোতি বৰা, ২০১৭)
|
পৰিসংখ্যা আৰু অন্যান্য |
পৰিসংখ্যা
অন্যান্য সংযোগ
ঘোষণা
|
|
.JPG)
.svg){kind=small}
.png){kind=small}
.svg){kind=icon}
_-_The_Noun_Project.svg){kind=small}
