সোণ মইনা (চলচ্চিত্ৰ)

অসমীয়া ৱিকিপিডিয়াৰ পৰা
(সোণ মইনাৰ পৰা পুনঃনিৰ্দেশিত)
Jump to navigation Jump to search
সোণ মইনা
Son Moina
Poster of 1985 Assamese film Son Moina.png
সোণ মইনা ছবিৰ এটা দৃশ্যত প্ৰাঞ্জল শইকীয়া আৰু জৱা ভূঞা
পৰিচালক শিৱ প্ৰসাদ ঠাকুৰ
প্ৰযোজক আৰ বি মেহতা, এন পি এন নায়াৰ, শিৱ প্ৰসাদ ঠাকুৰ
চিত্ৰনাট্য শিৱ প্ৰসাদ ঠাকুৰ
ভিত্তি ৰঞ্জন ৰয়ৰ এখন বাংলা অঁনাতাৰ নাট সাহেবৰ আধাৰত
অভিনয়ত প্ৰাঞ্জল শইকীয়া
মঞ্জুলা বৰুৱা
সুৰেণ মহন্ত
চিত্ৰগ্ৰহণকাৰী ইন্দুকল্প হাজৰিকা
সম্পাদনা ৰাস বিহাৰী সিনহা
মুক্তি ১৯৮৫
দৈৰ্ঘ্য ১৩৫ মিনিট
দেশ ভাৰত ভাৰত
ভাষা অসমীয়া

সোণ মইনা (ইংৰাজী: Son Moina) ১৯৮৫ত মুক্তি পোৱা এখন অসমীয়া ড্ৰামা চলচ্চিত্ৰ। পৰিচালনা কৰিছে শিৱ প্ৰসাদ ঠাকুৰে। আৰ বি প্ৰডাকচন্সৰ বেনাৰত ছবিখন প্ৰযোজনা কৰিছে আৰ বি মেহতা, এন পি এন নায়াৰ, শিৱ প্ৰসাদ ঠাকুৰে[1] [2]ছবিখনৰ কাহিনী আৰু চিত্ৰনাট্য ৰঞ্জন ৰয়ৰ এখন বাংলা অঁনাতাৰ নাটৰ আধাৰত ৰচনা কৰা হৈছে।[3] উল্লেখযোগ্য যে এটা নাটখনৰ আধাৰত বাংলা আৰু হিন্দী ভাষাত ক্ৰমে ১৯৮১ আৰু ১৯৮৫ চনত সাহেব শীৰ্ষক দুখন ছবিও নিৰ্মাণ হৈছে।[3][4]

কাহিনী[সম্পাদনা কৰক]

সোণ মইনা এটা মধ্যমবৰ্গীয় পৰিয়ালৰ আটাইতকৈ সৰু ল’ৰা সন্তান; নিবনুৱা আৰু পঢ়া-শুনাত সিমান ভাল নহয়। সকলোকে সহায় কৰাৰ মানসিকতাৰ বাবে ওচৰ-চুবুৰীয়াৰ মাজত জনপ্ৰিয়। সি ভাল ক্ৰিকেট খেলে আৰু এজন শ্ৰেষ্ঠ খেলুৱৈ হিচাপে খ্যাতি লাভ কৰিবলৈ ইচ্ছা কৰে।[1]

মইনাৰ ভনীয়েকৰ বিয়া ঠিক হয়। বাপেকে সংস্থাপন থকা পুতেককেইটাক মাতি আৰ্থিক সহায় বিচাৰে যদিও তেওঁলোক অমান্তি হয়। পুতেকহঁতে টকা নিদিলে বাপেকে ঘৰটো বেছি হ’লেও বিয়াৰ টকাৰ যোগাৰ কৰিব।[1]

বাতৰি কাকতত মইনাই পঢ়িব পালে যে কোনোবা এজন ধনী ব্যক্তিৰ ছোৱালীৰ দুয়োটা কিডনীয়ে নষ্ট হৈ গৈছে আৰু ছোৱালীজনীৰ বাবে এটা কিডনী লাগে। বিনিময়ত বহুত টকা দিব। মইনাই তুৰন্তে তেওঁৰ চিনাকী ডাক্তৰজনৰ ওচৰলৈ গৈ খবৰ ল’লে যে মানুহে এটা কিডনী লৈয়ো সাধাৰণ জীৱন-যাপন কৰিব পাৰে; কেবল কঠোৰ পৰিশ্ৰম কৰিব নোৱাৰিব।[1]

এতিয়া মইনাৰ সন্মুখত দুটাই পথ খোলা থাকিল, হয় তেওঁ এজন শ্ৰেষ্ঠ খেলুৱৈ হ’ব, নহয়তো এটা কিডনী দি ঘৰখনক সহায় কৰিব। অৱশেষত মইনাই ঘৰখনৰ অ়জ্ঞাতেই নিজৰ কিডনী এটা দান দি নিজৰ কেৰিয়াৰৰ সপোন সমূলঞ্চে ত্যাগ কৰিলে।[1]

কলা-কুশলী আৰু অভিনয় শিল্পী[সম্পাদনা কৰক]

  1. প্ৰাঞ্জল শইকীয়া (সোণ মইনা)
  2. মঞ্জুলা বৰুৱা (ডাঙৰ বৌৱেক)
  3. সুৰেণ মহন্ত (সোণ মইনাৰ দেউতাক)
  4. পূৰৱী শৰ্মা (সোণ মইনাৰ ভনীয়েক)
  5. জৱা ভূঞা (সোণ মইনাৰ প্ৰেমিকা)
  6. সমুদ্ৰগুপ্ত দত্ত (শিশুশিল্পী- সোণ মইনাৰ ভতিজাক)
  7. অঞ্জলি ভূঞা
  8. অপূৰ্বা দত্ত
  9. বিজু ভঁড়ালী
  10. মৰমী বৈশ্য
  11. শিৱ ঠাকুৰ
  12. মিৰেল কুদ্দুচ
  13. ৰাণা তামুলী[1]

গীত[সম্পাদনা কৰক]

ছবিখনত ছটা গীত আছে। সঙ্গীত বসন্ত-মাণিক নামেৰে জনাজাত বসন্ত বৰদলৈ আৰু মাণিক বড়াই। গীত লিখিছে বসন্ত বৰদলৈ, এলি আহমেদ আৰু হেমন্ত দত্তই। কণ্ঠদান কৰিছে বসন্ত বৰদলৈ, অৰুণ দাস, সমৰ হাজৰিকা, শান্তা শৰ্মা আৰু নমিতা গোস্বামীয়ে। এটা গীতত কণ্ঠ দিছে অভিনেতা বিজু ফুকনে[5]

ক্ৰমিক নং গীতৰ শীৰ্ষক গীতিকাৰ কণ্ঠ
আলফুলীয়া ৰাজকন্যা কৰে গুনাগঁঠা, পদুলিতে ৰাজকোঁৱৰৰ দোলা হাতী ঘোঁৰা, ৰ'দালীয়ে পিন্ধালে তাইক নানা ৰঙৰ সাঁজ, জোনটিয়ে কপালতে সৌৱা কৰে লাজ। বসন্ত বৰদলৈ বসন্ত বৰদলৈ
ঢোল পেঁপা এৰিলি, কলাকৃষ্টি এৰিলি, নিজকে ঐ পাহৰি গ’লি, তহঁতৰ ৰংৰূপ এৰি থৈ আহ ঐ, নাচ বিহু ঐ বিহু ঐ বুলি। বসন্ত বৰদলৈ অৰুণ দাস, বসন্ত বৰদলৈ
যদি কাৰোবাৰ চকুপানী কাৰোবাৰ হয় হাঁহি, সেই জীৱন মধুৰ জীৱন, সেউজী দুবৰী নিমাত কিয় আজি, ই যে সফল মানৱী জীৱন। এলি আহমেদ সমৰ হাজৰিকা
হাঁহি হাঁহি ঢাকি দিয়া জীৱনৰ যত বেদনা, নাচিবাগি পাহৰো আহা জীৱনৰ যত বেদনা। হেমন্ত দত্ত বিজু ফুকন, শান্তা শৰ্মা
প্ৰভাতী পখীৰ গীত শুনিছো দূৰৈত, বাৰে বৰণীয়া ৰং সানিছে মনত; ফুলিছে কতনা ফুল হাঁহিৰে আকুল, নতুন দিনৰ সুৰ কিযে সমধুৰ বসন্ত বৰদলৈ নমিতা গোস্বামী
মই যেন এটি হলো পলাশৰে কলি, মন হিয়া পৰশিলে বিজুলীৰে হাঁহি, দেহী মোৰে চেনাই ঐ আহা কাষলৈ, মইনা দেহা জান ঐ চোৱা চকুলৈ। বসন্ত বৰদলৈ সমৰ হাজৰিকা

বঁটা আৰু সন্মান[সম্পাদনা কৰক]

‘এক প্ৰেৰণাদায়ী কাহিনীৰ মাজেদি বিবৃত হোৱা এজন নিবনুৱা যুৱকৰ নিষ্ঠাক ব্যক্ত কৰাৰ যি প্ৰয়াস’ তাৰ বাবে সোণ মইনা ছবিখনক ৩২তম ৰাষ্ট্ৰীয় চলচ্চিত্ৰ মহোৎসৱত (১৯৮৫) অসমীয়া ভাষাৰ শ্ৰেষ্ঠ ছবিৰ ৰজত কমল বঁটাৰে সন্মানিত কৰা হয়। প্ৰযোজনক আৰ বি মেহতা, এন পি এন নায়াৰ আৰু শিৱ প্ৰসাদ ঠাকুৰলৈ ৰজত কমল আৰু নগদ বিশ হাজাৰ টকা; লগতে পৰিচালক ঠাকুৰলৈ ৰজত কমল আৰু নগদ দহহাজাৰ টকা আগবঢ়োৱা হয়।[1]

তথ্য উৎস[সম্পাদনা কৰক]

  1. 1.0 1.1 1.2 1.3 1.4 1.5 1.6 "32th National Film Festival". 1985. https://www.dff.nic.in/images/Documents/85_32ndNfacatalogue.pdf। আহৰণ কৰা হৈছে: 22-10-2019. 
  2. "Son Moina". https://www.moviebuff.com/son-moina। আহৰণ কৰা হৈছে: 22-1-2019. 
  3. 3.0 3.1 "Saheb (1981) Full Cast and Crew". https://www.imdb.com/title/tt4242438/fullcredits/?ref_=tt_ov_st_sm. 
  4. "Saaheb (1985)". https://www.imdb.com/title/tt0089952/। আহৰণ কৰা হৈছে: 22-10-2019. 
  5. Babul Das (1985). অসমীয়া বোলছবিৰ গীতৰ সংকলন. Bani Mandir, Dibrugarh. পৃষ্ঠা. 428-432.