মণিকুন্তলা ভট্টাচাৰ্য

অসমীয়া ৱিকিপিডিয়াৰ পৰা
নেভিগেশ্যনলৈ যাওক সন্ধানলৈ যাওক
মণিকুন্তলা ভট্টাচাৰ্য

মণিকুন্তলা ভট্টাচাৰ্য
পেছা ঔপন্যাসিক,কবি,গল্পকাৰ
ৰাষ্ট্ৰীয়তা ভাৰতীয়
সময় ২০০০-
ধৰণ সামাজিক উপন্যাস
ৱেবছাইট www.monikuntalabhattacharjya.com

মণিকুন্তলা ভট্টাচাৰ্য (ইংৰাজী: Manikuntala Bhattacharya) অসমৰ এগৰাকী প্ৰসিদ্ধ ঔপন্যাসিক, কবি তথা গল্পকাৰ।[1] সাধাৰণতে তেখেতে নাৰীৰ মনস্তত্বৰ ওপৰত ভিত্তি কৰি উপন্যাসসমূহ লিখি আহিছে। ভট্টাচাৰ্যই ২০০৪ চনত মুনীন বৰকটকী বঁটা ২০০৭ চনত অসম সাহিত্য সভাৰ শ্ৰেষ্ঠ উপন্যাসিকৰ বঁটা আৰু শ্ৰেষ্ঠ চুটি গল্প লেখিকাৰ বঁটা লাভ কৰিছে। তেওঁৰ বহুতো কবিতা, গল্প আৰু উপন্যাস হিন্দী আৰু ইংৰাজী ভাষালৈও অনুবাদ হৈছে। তেওঁ ৰচনা কৰা কেইখনমান উল্লেখযোগ্য উপন্যাস হৈছে অৰুন্ধতী, সন্ধ্যা, মুক্তি, বাঁহী আৰু দস্তখত[1]

সাহিত্যিক জীৱন[সম্পাদনা কৰক]

২০০০ চনত মণিকুন্তলা ভট্টাচাৰ্যই সাহিত্যিক হিচাপে আত্মপ্ৰকাশ কৰে।[2] ২০০২ চনত প্ৰকাশিত তেওঁৰ প্ৰথম গল্প সংকলন "প্ৰস্তৰ কন্যা"ই ২০০৪ চনৰ মুনীন বৰকটকী বঁটা লাভ কৰে।[3][2] ২০০৪ চনত তেওঁৰ প্ৰথম উপন্যাস "সন্ধ্যা" প্ৰকাশিত হয়। এইড্ছ ভিত্তিক এই উপন্যাসখন আকাশবাণী যোগেও প্ৰচাৰিত হয়। অসমীয়া প্ৰতিদিন কাকতৰ দেওবৰীয়া পৰিপূৰিকা "সম্ভাৰ"ত প্ৰকাশিত হৈ অহা উপন্যাস "অৰুন্ধতী"য়ে ২০০৫ চনত প্ৰকাশৰ মুখ দেখে। ই হিন্দী ছেন্টিনেলতো ধাৰাবাহিক ভাৱে প্ৰকাশ হৈছিল। ২০০৬ চনত সমকামিতা বিষয়ক উপন্যাস "মুক্তি"য়ে মুক্তি লাভ কৰে। ই হিন্দী আৰু পঞ্জাবী ভাষালৈও অনুদিত হৈছে। ইয়াৰ পিছত ২০০৬ চনত তেওঁৰ "বৰদোৱানী" আৰু অসমৰ কু সংস্কাৰ,ডাইনী নিৰ্যাতনৰ পটভূমিত লিখা "চামিয়ানা" প্ৰকাশিত হয়। ইয়াৰোপৰি তেওঁ "দস্তখত" (নন্দিনীত ধাৰাবাহিকভাৱে প্ৰকাশিত),"মণিকুন্তলাৰ কবিতা",গল্প সংকলন "কবিগংগা" আৰু "বৰফৰ বেলি",নিৰ্বাচিত উপন্যাস সংকলন "ভিভিয়ানৰ লিলি" আৰু "মা মেক'লেচাহাব আৰু বাঢ়ৈশালৰ পিতা" আদিও ৰচনা কৰে। তেওঁ "শান্তু পাপুহঁতৰ কথাৰে" নামৰ এক শিশু উপন্যাস আৰু ২০০৭ চনত অসমৰ ভ্ৰাম্যমাণ থিয়েটাৰৰ পটভূমিত মই ডেচডিম’না হ’ব খোজোঁ ৰচনা কৰিছে। শেষৰ গ্ৰন্থখনৰ ববে তেওঁ অসম সাহিত্য সভাৰ বিষ্ণু ৰাভা বঁটা লাভ কৰে। তদুপৰি তেওঁ অসমীয়া ভাষাত প্ৰথম বাৰৰ বাবে কবিতাৰে ৰচিত আত্মজীৱনী "চিত্ৰপট" ৰচনা কৰে।[2] ২০০৯-১০ বৰ্ষত বৰফৰ বেলি নামৰ গল্প সংকলনৰ বাবে তেওঁ "ভৱানী শৰ্মা সাহিত্য বঁটা" লাভ কৰে।[3]

মতামত[সম্পাদনা কৰক]

এগৰাকী সংবেদনশীল লেখিকা হিচাপে মণিকুন্তলা ভট্টাচাৰ্যই যথেষ্ট সুনাম অৰ্জন কৰিছে।[উদ্ধৃতিৰ প্ৰয়োজন] দ্য আচাম ট্ৰিবিউন কাকতত শুভজিত ভদ্ৰাই মণিকুন্তলাই অসমীয়া সহিত্যলৈ এক নতুন সৌৰভ কঢিয়াই আনিছে বুলি কৈ কয় যে "তেওঁ এক সুন্দৰ কবি,এক চমত্কাৰ গল্পকাৰ আৰু সম্পুৰ্ণ ঔপন্যাসিক। যিকোনো ভাষাতে এনেকুৱা চাৰিও দিশে অৱদান আগবঢ়াব পৰা সাহিত্যিক খুব কম থাকে আৰু মণিকুন্তলাও তৰে ভিতৰৰ এজন, তেওঁৰ লিখনিত প্ৰেম,হতাশা,লোভ,দুখ আৰু জীৱনৰ এক সুন্দৰ ছবি ফুটি উঠিছে[4]"। অসম বাণীয়ে লিখিছে "সামাজিক আৰু পাৰিবাৰিক ক্ষেত্ৰত সাহসী,সংস্কাৰমুক্ত আৰু আপোচহীন দৃষ্টিভংগীৰে একো একোটা জীৱন কিদৰে পুনৰ নতুনকৈ উদযাপন কৰিব পাৰি,এই নতুন মানসতা নিজৰ ৰচনাত প্ৰতিফলিত কৰোৱাসকলৰ ভিতৰত মণিকুন্তলা ভট্টাচাৰ্য অন্যতম[5]। " প্ৰফুল্ল কটকীৰ মতে মণিকুন্তলা ভট্টাচাৰ্যই "উপন্যাসৰ সম-সাময়িক পটভূমি নিৰ্বাচন কৰা আৰু সমসাময়িক আৰ্থ সামাজিক বিশ্লেষণ কৰাৰ ক্ষেত্ৰত বিশেষ পাৰদৰ্শিতা দেখুৱাবলৈ সক্ষম হৈছে"।[6]

সাহিত্য সম্ভাৰ[সম্পাদনা কৰক]

উপন্যাস[সম্পাদনা কৰক]

বৰ্ষ উপন্যাস প্ৰকাশক তথ্য
২০০৪ সন্ধ্যা পূৰ্বাচল প্ৰকাশন ইংৰাজী ভাষালৈ অনুবাদ
আকাশবাণী গুৱাহাটী কেন্দ্ৰৰ যোগেদি প্ৰচাৰিত
২০০৫ অৰুন্ধতী জ্যোতি প্ৰকাশন হিন্দী ভাষালৈ অনুবাদ (সময় প্ৰকাশন, ২০০৯)
২০০৬ মুক্তি পূৰ্বাচল প্ৰকাশন হিন্দী আৰু পঞ্জাবী ভাষালৈ অনুবাদ (পঞ্জাব হাৰিয়ানা সাহিত্য অকাডেমি)
২০০৬ বৰদোৱানী ষ্টুডেণ্ট ষ্ট'ৰছ বৰদোৱা সত্ৰৰ ওপৰত আধাৰিত সামাজিক উপন্যাস
২০০৬ চামিয়ানা ষ্টুডেণ্ট ষ্ট'ৰছ ডাইনী নিৰ্যাতনৰ পটভূমিত ৰচিত
বঙালী ভাষালৈ অনুবাদ
২০০৭ দস্তখত ষ্টুডেণ্ট ষ্ট'ৰছ ত্ৰিল'জীৰ প্ৰথম খণ্ড
২০০৭ মই ডেচডিম’না হ’ব খোজোঁ জ্যোতি প্ৰকাশন অসমৰ ভ্ৰাম্যমাণ থিয়েটাৰৰ পটভূমিত ৰচিত
অসম সাহিত্য সভাৰ "বিষ্ণুপ্ৰসাদ ৰাভা বঁটা" লাভ কৰে[7]
২০০৯ দেৱবালা ষ্টুডেণ্ট ষ্ট'ৰছ দেৱবালা চলিহাৰ জীৱনৰ ওপৰত আধাৰিত
২০০৯ ত্ৰিকুতৰ ষ্টুডেণ্ট ষ্ট'ৰছ জম্মুৰ বৈষ্ণ দেৱীৰ ওপৰত আধাৰিত
২০০৯ যমুনা পূৰ্বাচল প্ৰকাশন
২০১০ বাঁহী ষ্টুডেণ্ট ষ্ট'ৰছ

উপন্যাস সংকলন[সম্পাদনা কৰক]

বৰ্ষ উপন্যাস প্ৰকাশক
২০০৮ মা মেক'লেচাহাব আৰু বাঢ়ৈশালৰ পিতা ষ্টুডেণ্ট ষ্ট'ৰছ
২০০৮ ভিভিয়ানৰ লিলি চন্দ্ৰ প্ৰকাশন
২০১৫ তিনিখন উপন্যাস চন্দ্ৰ প্ৰকাশন
২০১৫ প্ৰেমৰ পৃথিৱী চন্দ্ৰ প্ৰকাশন[7]

শিশু উপন্যাস[সম্পাদনা কৰক]

  • "শান্তু পাপুহঁতৰ কথাৰে"

গল্প সংকলন[সম্পাদনা কৰক]

  • "প্ৰস্তৰ কন্যা"
  • "বৰফৰ বেলি"
  • "অন্তৰীক্ষ"
  • "কবিগংগা"
  • "নীলপক্ষী"
  • "জিৰাফৰ মাত"

কবিতা[সম্পাদনা কৰক]

  • "মণিকুন্তলাৰ কবিতা"
  • "মণিকুন্তলা ভট্টাচাৰ্যৰ প্ৰেমৰ কবিতা"
  • "শুক্লপক্ষ"
  • "চিত্ৰপট (কবিতাৰে আত্মজীৱনী)"
  • "আজিও জোনাকী পৰুৱা"

প্ৰবন্ধ সংকলন[সম্পাদনা কৰক]

  • "শব্দ আৰু সত্য"
  • "মণিকুন্তলাৰ অনুভৱ"
  • "আকাংক্ষা"

বঁটা আৰু সন্মান[সম্পাদনা কৰক]

  • বিদ্যাৰ্থী ন্যাস , নান্দী পত্ৰিকা আৰু সেৱা সমিতি , গান্ধী অধ্যয়ন কেন্দ্ৰ আৰু শ্ৰীবলদেৱ পি জি কলেজৰ দ্বাৰা ভাৰতীয় কবি অভ্যৰ্থনা ৷ বাৰানসী (২০১১)
  • জি এন আৰ চি হস্পিতালৰ ৰূপালী জয়ন্তীত বিশিষ্ট সাহিত্যিক হিচাপে বিশেষ সেৱা প্ৰদানৰ সম্বৰ্ধনা (২০১২)
  • সদৌ অসম কবি সন্মিলনৰ কাব্য নন্দিনী সন্মান (২০১৮)
  • আৰণ্যক সম্বৰ্ধনা (২০১৮)
  • গুৱাহাটী সাহিত্য সভাৰ কাব্যিক সম্বৰ্ধনা (২০১৯)
  • কিৰণ ফাউণ্ডেচনৰ পঞ্চম বাৰ্ষিকত সাহিত্যিক সম্বৰ্ধনা (২০২০)
  • দণ্ডীনাথ চৌধুৰী স্মৃতি সাহিত্য সম্বৰ্ধনা (২০১৯ আৰু ২০২১)
  • মাৰোৱাৰী সন্মিলনৰ পৰা নাৰী দিৱসত " কৰ্তব্যনিষ্ঠ নাৰী সন্মান"(২০২১)
  • ভাৰত তৈল নিগমৰ ৰাজ্যিক বিভাগৰ পৰা নাৰী দিৱসত "women in leadership"সন্মান (২০২১)

লগতে চাওক[সম্পাদনা কৰক]

তথ্য সংগ্ৰহ[সম্পাদনা কৰক]

  1. 1.0 1.1 "About Monikuntala". monikuntalabhattacharjya.com. monikuntalabhattacharjya.com. http://www.monikuntalabhattacharjya.com/about%20me.html। আহৰণ কৰা হৈছে: 2013-04-21. 
  2. 2.0 2.1 2.2 দস্তখত,বেটুপাতৰ চতুৰ্থ পৃষ্ঠা. 
  3. 3.0 3.1 "Details of Literary Works - Short Stories Collection". monikuntalabhattacharjya.com. monikuntalabhattacharjya.com. http://www.monikuntalabhattacharjya.com/bio-data.html। আহৰণ কৰা হৈছে: 2013-04-21. 
  4. Subhojit Bhadr. "A distinctive voice". http://www.assamtribune.com/apr1709/mosaic1.html। আহৰণ কৰা হৈছে: February 13, 2013. 
  5. "মণিকুন্তলা ভট্টাচাৰ্যৰ বিষয়ে মতামত". অসম বাণী. 18 ফেব্ৰুৱাৰী ২০০৫. 
  6. প্ৰফুল্ল কটকী. অৰুন্ধতী,বেটুপাতৰ চতুৰ্থ পৃষ্ঠা. 
  7. 7.0 7.1 "Details of Literary Works- Novel Collection". http://www.monikuntalabhattacharjya.com/bio-data.html। আহৰণ কৰা হৈছে: 2013-04-21.