নাথান ব্ৰাউন

অসমীয়া ৱিকিপিডিয়াৰ পৰা
নেভিগেশ্যনলৈ যাওক সন্ধানলৈ যাওক


ৰেভাৰেণ্ড নাথান ব্ৰাউন
জন্ম ২২ জুন, ১৮০৭
নিউ ইচ্ছৱিচ্ছ, নিউ হেম্পশ্বায়াৰ, আমেৰিকা যুক্তৰাষ্ট্ৰ
মৃত্যু ১ জানুৱাৰী, ১৮৮৬ (৭৮ বছৰ)
য়ক'হামা, জাপান
ৰাষ্ট্ৰীয়তা আমেৰিকা যুক্তৰাষ্ট্ৰ
পেচা আমেৰিকান বেপ্তিষ্ট মিছনেৰীৰূপে ভাৰত আৰু জাপান যাত্ৰা
জনা যায় অসমীয়া ভাষা, ব্যাকৰণ আৰু লিপিৰ বাবে কাম, বাইবেল অনুবাদ
দাম্পত্যসঙ্গী ইলাইজা হুইট্‌নী ব্ৰাউন

নাথান ব্ৰাউন (ইংৰাজী: Nathan Brown, ২২ জুন ১৮০৭ – ১ জানুৱাৰী ১৮৮৬) এগৰাকী আমেৰিকান বেপ্তিষ্ট মিছনেৰী, আমেৰিকাৰ দাসপ্ৰথা বিৰোধক আৰু অনুবাদক আছিল। তেখেতৰ কৰ্মক্ষেত্ৰ আছিল অসম আৰু জাপান। তেখেতে অসমীয়া ভাষা, অসমীয়া ব্যাকৰণ আৰু অসমীয়া লিপিৰ উন্নয়ন আৰু বিকাশৰ বাবে নেতৃস্থানীয় অৱদান দি গৈছে। শিৱসাগৰত অৱস্থান কৰি তেখেতে আত্মাৰাম শৰ্মাৰ সহযোগত 'আমাৰ ত্ৰাণকৰ্তা যিশুখ্ৰীষ্টৰ নতুন নিয়ম' নামেৰে বাইবেলৰ 'নিউ টেষ্টামেণ্ট'ৰ অসমীয়া অনুবাদ তথা প্ৰথম অসমীয়া ছপা কিতাপ প্ৰকাশ কৰিছিল। তেখেতে 'খ্ৰীষ্টৰ বিৱৰণ আৰু শুভ বাৰ্তা', খ্ৰীষ্টিয়ান প্ৰাৰ্থনা আদিও প্ৰকাশ কৰিছিল। তেখেতে আমেৰিকান বেপ্টিষ্ট মিশ্যনাৰীসকলৰ তৰফৰ পৰা 'Grammatical Notes of Assamese Language' বুলি প্ৰথম অসমীয়া ব্যাকৰণ পুথিখন লিখিছিল আৰ প্ৰকাশ কৰিছিল। অসমীয়া প্ৰথম সংবাদ আলোচনী 'অৰুণোদই' প্ৰকাশত তেখেতে আগভাগ লৈছিল, আৰু কিছুদিন সম্পাদক হিচাবেও কাম কৰিছিল। ইয়াৰ উপৰিও তেখেতে মিশ্যনাৰী প্ৰেছৰ পৰা বিভিন্ন অসমীয়া লিখকৰ কেইবাখনো মূল্যবান গ্ৰন্থ প্ৰকাশ কৰিছিল। তাৰে ভিতৰত কাশীনাথ ফুকনৰ 'অসম বুৰঞ্জী', দুই খণ্ডত প্ৰকাশিত বকুল কায়স্থৰ 'Mathematics', 'চুতিয়া বুৰঞ্জী' আদি অন্যতম। সেই সময়ত ভুল ধাৰণাৰ বশবৰ্তী হৈ ব্ৰিটিছ প্ৰশাসনে অসমীয়া ভাষাক বঙালী ভাষাৰ এক উপভাষা বুলি গণ্য কৰি বঙালীক চৰকাৰী ভাষা কৰি লৈছিল। এই ধাৰণা দূৰ কৰাৰ ক্ষেত্ৰত ব্ৰাউনৰ কৰ্মৰাজিৰ ভূমিকা অসামান্য আছিল।[1]

তেখেতৰ সহযোগী সকলৰ ভিতৰত অলিভাৰ কটৰ, মাইলছ ব্ৰনছন আদি অন্যতম।

তথ্য সংগ্ৰহ[সম্পাদনা কৰক]

বাহ্যিক সাংযোগ[সম্পাদনা কৰক]