শৰ্মিষ্ঠা প্ৰীতম
| শৰ্মিষ্ঠা প্ৰীতম | |
|---|---|
 শৰ্মিষ্ঠা প্ৰীতম | |
| জন্ম | শৰ্মিষ্ঠা প্ৰীতম বৰুৱা[1] ১৮ ডিচেম্বৰ, ১৯৮৭ ফুলগুৰি, নগাঁও জিলা, অসম |
| পেচা | লেখক |
| ভাষা | অসমীয়া |
| ৰাষ্ট্ৰীয়তা | ভাৰতীয় |
| উল্লেখযোগ্য বঁটা | মুনীন বৰকটকী বঁটা (২০১২) |
শৰ্মিষ্ঠা প্ৰীতম (ইংৰাজী: Sarmistha Pritam) এগৰাকী অসমীয়া লেখিকা, ঔপন্যাসিকা আৰু আত্মজীৱনীকাৰ। শৰ্মিষ্ঠা প্ৰীতমে তেওঁৰ আত্মজীৱনীমূলক গ্ৰন্থ আত্মকথাৰ বাবে ২০১২ বৰ্ষৰ মুনীন বৰকটকী বঁটা লাভ কৰিছে।[2] ২০২০ বৰ্ষৰ বাবে উত্তৰ পুৰুষৰ মঞ্চই তেওঁক ‘অক্লান্ত উত্তৰ পুৰুষ বঁটা’ প্ৰদান কৰে। [3] [4] ২০২১ চনৰ ডিচেম্বৰ মাহত শৰ্মিষ্ঠা প্ৰীতমৰ জীৱন-আধাৰিত ‘ৰ'দৰ পাখি’ নামৰ চলচ্চিত্ৰখন ২০২৪ চনত গোৱাত অনুষ্ঠিত হ'বলগীয়া আন্তৰ্জাতিক চলচ্চিত্ৰ মহোৎসৱৰ ভাৰতীয় পেনোৰামাৰ শাখালৈ নিৰ্বাচিত হয়।[5][6][7] তেওঁৰ 'ৰং' নামৰ উপন্যাসখন ইংৰাজী ভাষালৈ 'Beneath the Simolu Tree' নামেৰে অনূদিত হয়৷ গ্ৰন্থখন ক্ৰছৱৰ্ডৰ ২০২৪ চনৰ গ্ৰন্থ বঁটাৰ 'দীঘলীয়া তালিকা' (longlist)লৈ নিৰ্বাচিত হৈছে৷
শিক্ষা
[সম্পাদনা কৰক]- ২৩৮ নং ফুলগুৰি প্ৰাথমিক বিদ্যালয়ত শিক্ষাৰম্ভ৷
- ফুলগুৰি উচ্চ মাধ্যমিক বিদ্যালয়ৰপৰা ইংৰাজী আৰু সমাজ অধ্যয়ন বিষয়ত লেটাৰ মাৰ্কসহ প্ৰথম বিভাগত হাইস্কুল শিক্ষান্ত পৰীক্ষাত উত্তীৰ্ণ৷
- ৰহা উচ্চতৰ মাধ্যমিক বিদ্যালয়ৰপৰা অৰ্থনীতি বিজ্ঞান আৰু ৰাজনীতি বিজ্ঞান বিষয়ত লেটাৰ মাৰ্কসহ প্ৰথম বিভাগত উচ্চ মাধ্যমিক পৰীক্ষাত উত্তীৰ্ণ৷
- ৰহা মহাবিদ্যালয়ৰ পৰা অৰ্থনীতি বিষয়ত স্নাতক ডিগ্ৰী লাভ৷
চমু জীৱনী
[সম্পাদনা কৰক]শৰ্মিষ্ঠা প্ৰীতমৰ জন্ম হৈছিল ১৯৮৭ চনৰ ১৮ ডিচেম্বৰত অসমৰ নগাঁও জিলাৰ ফুলগুৰিত[1]। তেখেতৰ পিতৃৰ নাম অভয় বৰুৱা আৰু মাতৃ ৰেণু বৰুৱা। ফুলগুৰি প্ৰাথমিক বিদ্যালয়ৰ পৰা স্কুলীয়া শিক্ষা আৰম্ভ কৰি ফুলগুৰি হাইস্কুলৰ পৰা মেট্ৰিকৰ দেওনা পাৰ কৰে। তেখেতে ৰহা হাইস্কুলৰ পৰা সুখ্যাতিৰে উচ্চতৰ মাধ্যমিক পৰীক্ষা সুখ্যাতিৰে উত্তীৰ্ণ হৈ ৰহা মহাবিদ্যালয়ৰ পৰা স্নাতক শিক্ষা লাভ কৰে[1]। সৰুৰে পৰা সাহিত্যত ৰাপ থকা শৰ্মিষ্ঠাৰ নানা প্ৰবন্ধ অসমৰ কেইবাখনো বাতৰি কাকতত প্ৰকাশ হৈছে। শৰ্মিষ্ঠা প্ৰীতম সৰুৰে পৰা "স্পাইনেল মাছ্কুলাৰ এট্ৰ'ফী" (Spinal muscular Atrophy) নামৰ ৰোগত আক্ৰান্ত[8]।
অনুষ্ঠান
[সম্পাদনা কৰক]শৰ্মিষ্ঠা প্ৰীতম "অকণিৰ কবিতা ঘৰ"ৰ (ৰহা) লগত জড়িত। তেওঁ ইলোৰা বিজ্ঞান মঞ্চৰ আজীৱন সদস্য আৰু এই মঞ্চৰ জৰিয়তে মৰণোত্তৰ দেহদান কৰিছে।
সাহিত্যক জীৱন
[সম্পাদনা কৰক]সৰুৰে পৰা অসমৰ কেইবাখনো বাতৰি কাকত আৰু আলোচনীত তেখেতৰ প্ৰবন্ধ প্ৰকাশ পাইছে। তেখেতৰ আত্মজীৱনী '"শৰ্মিষ্ঠা প্ৰীতমৰ আত্মকথা"'ত নিজৰ জীৱনৰ সকলো কথা বলিষ্ঠ আৰু সবল ভাৱে প্ৰকাশ কৰিছে। বৰ্তমানলৈকে তেখেতৰ আত্মজীৱনীৰ চাৰিটা খণ্ড প্ৰকাশ পাইছে৷ তেখেতৰ সাহিত্যৰাজি সমূহ হ’ল-
- ডাৱৰীয়া আকাশৰ বেলি
- দোকমোকালি (কবিতা সংকলন)
- আলফুলৰ সপোন (শিশু উপন্যাস)
- আত্মকথা (আত্মজীৱনীমূলক) আলিবাট প্ৰকাশন, ২০১১
- অন্তহীন (জীৱনীমূলক আখ্যান) আলিবাট প্ৰকাশন, ২০১৩
- ৰং (উপন্যাস), আলিবাট প্ৰকাশন, ২০১৬
- বলুকাত বিয়লি বেলা (উপন্যাস), জ্যোতি প্ৰকাশন, ২০১৭
- পৰাণ নিগৰে (উপন্যাস), বনফুল প্ৰকাশন, ২০১৯
আন ভাষালৈ অনুবাদ
[সম্পাদনা কৰক]শৰ্মিষ্ঠা প্ৰীতমৰ "আত্মকথা" গ্ৰন্থখন 'নেশ্যনেল বুক ট্ৰাষ্ট অৱ ইণ্ডিয়া'ই ভাৰতৰ সংবিধান স্বীকৃত আটাইবোৰ ভাষালৈ অনুবাদ কৰাৰ সিদ্ধান্ত কৰিছে। ইতিমধ্যে গ্ৰন্থখনৰ ইংৰাজী অনুবাদ (Sun On My Face) আৰু হিন্দী অনুবাদ (মেৰা জীবন মেৰী কহানী) প্ৰকাশ হৈ ওলাইছে। ইতিমধ্যে গ্ৰন্থখনৰ বাংলা সংস্কৰণ বাংলাদেশৰ "ভাষা চিত্ৰ" নামৰ অভিজাত প্ৰকাশনৰ পৰা প্ৰকাশ পাইছে। [9]
শৰ্মিষ্ঠা প্ৰীতমৰ 'ৰং' নামৰ উপন্যাসখন ৰঞ্জিতা বিশ্বাসে ইংৰাজী ভাষালৈ Beneath the simolu tree [10] নামেৰে অনুবাদ কৰে৷ ১৬ জানুৱাৰী, ২০২৪ চনত প্ৰকাশিত হোৱা গ্ৰন্থখনৰ প্ৰকাশক ছায়মন এণ্ড হাষ্টাৰ৷
বঁটা আৰু সন্মান
[সম্পাদনা কৰক]- ২০১২ বৰ্ষৰ মুনীন বৰকটকী বঁটা, আত্মজীৱনীমূলক গ্ৰন্থ আত্মকথাৰ বাবে[1][11]
- গিৰিন্দ্ৰনাথ গগৈ সোঁৱৰণী যুৱ সাহিত্য বঁটা, ২০১২[12]
- গীতাঞ্জলি বৰুৱা মিলি সাহিত্য বঁটা, ২০১৭
- দেৱচন্স বিশেষ সাহিত্য বঁটা, ২০১৭
- কৃষ্ণকান্ত সন্দিকৈ ৰাজ্যিক মুক্ত বিশ্ববিদ্যালয়ৰপৰা 'নেশ্যনেল ফেল'শ্বিপ', ২০১৭
- হোমেন বৰগোহাঞি সাহিত্য বঁটা, ৰং উপন্যাসৰ বাবে
- অক্লান্ত উত্তৰ পুৰুষ বঁটা, ২০২০
- ভবেন্দ্ৰ নাথ শইকীয়া সোঁৱৰণী বঁটা, ২০২০
- ভিউফাইণ্ডাৰ বঁটা, ২০২৩ (শিল্পকৰ্মৰ বাবে)
- অনন্যা বঁটা, ২০২৪
- ৰং উপন্যাসৰ ইংৰাজী অনুবাদ Beneath the simolu tree ক্ৰছৱৰ্ডৰ ২০২৪ চনৰ 'গ্ৰন্থ বঁটা'ৰ দীঘলীয়া তালিকাৰ বাবে নিৰ্বাচিত৷ [13] [14]
অন্যান্য মিডিয়াত
[সম্পাদনা কৰক]অসমৰ চলচ্চিত্ৰ পৰিচালিকা ববী শৰ্মা বৰুৱাই শৰ্মিষ্ঠা প্ৰীতমৰ জীৱন-আধাৰিত 'ডেউকা' নামেৰে এখনি ছবি নিৰ্মাণ কৰে৷ [15]অৱশ্যে কাৰিকৰী কাৰণত ছবিখনৰ নামটো পৰৱৰ্তী সময়ত 'ৰ'দৰ ফুল'লৈ পৰিৱৰ্তন কৰা হয়৷ ছবিখনে ২০২৪ চনত গোৱাত অনুষ্ঠিত হ'বলগীয়া আন্ত:ৰাষ্ট্ৰীয় চলচ্চিত্ৰ মহোৎসৱৰ ভাৰতীয় পেনোৰামালৈ নিৰ্বাচিত হয়৷ [7][5][6]
তথ্য সংগ্ৰহ
[সম্পাদনা কৰক]- ↑ 1.0 1.1 1.2 1.3 "লেখিকা শৰ্মিষ্ঠা প্ৰীতমৰ সৈতে এখন্তেক". আমি অসমীয়া ডট কম. http://www.amiasomiya.org/interview/feb13-interviews। আহৰণ কৰা হৈছে: ২১ ফেব্ৰুৱাৰী, ২০১৩.[সংযোগবিহীন উৎস]
- ↑ "Literary Awards". এনাজৰী ডট কম. Archived from the original on 2013-05-22. https://web.archive.org/web/20130522172053/http://enajori.com/literature/literary-awards/। আহৰণ কৰা হৈছে: ২১ ফেব্ৰুৱাৰী, ২০১৩.
- ↑ "লেখিকা শৰ্মিষ্ঠা প্ৰীতমক ‘অক্লান্ত উত্তৰ পুৰুষ বঁটা’ উত্তৰ পুৰুষ মঞ্চৰ". দৈনন্দিন বাৰ্তা. দৈনন্দিন বাৰ্তা: পৃষ্ঠা ১. ৭ ডিচেম্বৰ, ২০২০,.
- ↑ "বিশিষ্ট লেখিকা শৰ্মিষ্ঠা প্ৰীতমক আজি প্ৰদান কৰিব উত্তৰ পুৰুষ মঞ্চৰ সৰ্বোচ্চ সন্মান ‘অক্লান্ত উত্তৰ পুৰুষ বঁটা’". দৈনন্দিন বাৰ্তা. দৈনন্দিন বাৰ্তা: পৃষ্ঠা ৫. ৬ ডিচেম্বৰ, ২০২০.
- ↑ 5.0 5.1 "IFFI Goa: ভাৰতৰ ৫৫ সংখ্যক আন্তৰ্জাতিক চলচ্চিত্ৰ মহোৎসৱৰ ইণ্ডিয়ান পেনোৰামা শাখালৈ নিৰ্বাচিত তিনিখনকৈ অসমীয়া চলচ্চিত্ৰ". নিউজ ১৮. October 26, 2024. https://assam.news18.com/photogallery/entertainment/assamese-film-juiphool-rador-pakhi-and-swargarath-selected-for-55th-iffi-goa-tv-rashmita-subham-g-418433.html। আহৰণ কৰা হৈছে: 26 October 2024.
- ↑ 6.0 6.1 "আকৌ এটা ভাল খবৰ: পেনোৰামালৈ নিৰ্বাচিত তিনিখনকৈ অসমীয়া ছবি". ইটিভি ভাৰত. ইটিভি ভাৰত. ২৬ অক্টোবৰ ২০২৪. https://www.etvbharat.com/as/!entertainment/three-assamese-film-selected-for-indian-penorama-assam-news-ass24102407511। আহৰণ কৰা হৈছে: 26 October 2024.
- ↑ 7.0 7.1 "Assamese,Galo, Garo among 5 NE films set for IFFI". Times of India. 26 October. https://timesofindia.indiatimes.com/city/guwahati/northeast-india-shines-at-iffi-five-films-selected-for-celebration/articleshow/114602475.cms। আহৰণ কৰা হৈছে: 26 October 2024.
- ↑ উপেন্দ্ৰ বৰকটকী. "শাৰীৰিক প্ৰত্যাহ্বানযুক্ত লেখিকাৰ সৃষ্টি প্ৰতিভা". assameseonline.com. Archived from the original on September 26, 2022. https://web.archive.org/web/20220926165426/http://assameseonline.com/full_text.php?recordID=17। আহৰণ কৰা হৈছে: March 28, 2013.
- ↑ Anindita Acharjya (September 21, 2022). "A young author has written off her disabilities to create a new chapter in life". The Echo of India. The Echo of India (Kolkata): পৃষ্ঠা ২.
- ↑ "Beneath The Simolu Tree". simonandschuster. https://www.simonandschuster.co.in/books/Beneath-the-Simolu-Tree/Sarmistha-Pritam/9788196754730। আহৰণ কৰা হৈছে: 26 October 2024.
- ↑ "Awards given away in Girindranath Gogoi's memory". দ্য চেণ্টিনেল. Archived from the original on 2016-03-05. https://web.archive.org/web/20160305024325/http://www.sentinelassam.com/ghy_city/story.php?sec=1&subsec=0&id=144117&dtP=2013-02-14&ppr=1। আহৰণ কৰা হৈছে: ২১ ফেব্ৰুৱাৰী, ২০১৩.
- ↑ শৰ্মিষ্ঠা প্ৰীতম (নৱেম্বৰ,২০১৯). পৰাণ নিগৰে. বনফুল. পৃষ্ঠা. বেটুপাতৰ চতুৰ্থ পৃষ্ঠা. ISBN 978-93-81710-78-4.
- ↑ "Crossword Book Award 2024 Longlist". ক্ৰছৱৰ্ড. https://www.crossword.in/collections/longlist?srsltid=AfmBOoohJbHV5_YxnvekMyTuVvjE60yg8mgoGQMT84tk9J9RTXhj3NLM। আহৰণ কৰা হৈছে: 26 October 2024.
- ↑ Chatterji,Shoma A (May 15, 2024). "Review: Beneath the simolu tree". Hindustan Times. https://www.hindustantimes.com/books/review-beneath-the-simolu-tree-by-sarmistha-pritam-101715784467482.html। আহৰণ কৰা হৈছে: 26 October 2024.
- ↑ "New Assamese Film Deuka: আহি আছে নতুন অসমীয়া ছবি 'ডেউকা' (ৱাকিং ইন দা এয়াৰ)". ইটিভি ভাৰত. Dec 19, 2021. https://www.etvbharat.com/assamese/assam/state/kamrup-metropolitan/film-maker-dr-bobee-sarma-barua-projects-new-film-deuka-based-on-life-of-writer-sarmistha-pritam/assam20211219180045307। আহৰণ কৰা হৈছে: 26 October 2024.
বাহ্যিক সংযোগ
[সম্পাদনা কৰক]- [1][সংযোগবিহীন উৎস], অসমীয়া অনলাইন ডট কম, আহৰণ: ২৮ মাৰ্চ, ২০১৩।
- আত্মকথা, গ্ৰন্থ সংযোগ