মফিজুদ্দিন আহমদ হাজৰিকা

অসমীয়া ৱিকিপিডিয়াৰ পৰা
Jump to navigation Jump to search
মফিজুদ্দিন আহমদ হাজৰিকা
জন্ম আগষ্ট ৩০ , ১৮৭০
ডিব্ৰুগড়, অসম
মৃত্যু অক্টোবৰ ২৯ , ১৯৫৮ (৮৮ বছৰ)
ভাষা অসমীয়া
ৰাষ্ট্ৰীয়তা ভাৰতীয়
নাগৰিকত্ব ভাৰত ভাৰত

মফিজুদ্দিন আহমদ হাজৰিকা (৩০ আগষ্ট, ১৮৭০ - ২৯ অক্টোবৰ, ১৯৫৮) বিংশ শতিকাৰ প্ৰথম ভাগৰ এগৰাকী অসমীয়া কবি আৰু সাহিত্যিক। বিখ্যাত কবিতা পুথি ‘জ্ঞান মালিনী’ৰ ৰচক। মফিজুদ্দিন আহমদ হাজৰিকা ১৯৩০ চনত গোলাঘাটত বহা অসম সাহিত্য সভা অধিবেশনৰ সভাপতি আছিল। ১৯১৩ চনত শিৱসাগৰত বহা ছাত্ৰ সভাৰ সভাপতিত্ব কৰিছিল। অসম চৰকাৰৰ পৰা তেখেতে সাহিত্যিক পেন্সন লাভ কৰিছিল।

জন্ম আৰু শিক্ষাজীৱন[সম্পাদনা কৰক]

মফিজুদ্দিন আহমদ হাজৰিকাৰ পিতৃৰ নাম হিম্মতুদ্দিন আহমদ। এখেতসকল অসম বুৰঞ্জীৰ খ্যাত বাঘ হাজৰিকাৰ বংশধৰ। জন্ম হৈছিল ডিব্ৰুগড়ত। ডিব্ৰুগড়তে পঢ়া-শুনা কৰি তাৰে চৰকাৰী হাইস্কুলৰপৰা ১৮৯২ চনত এণ্ট্ৰেন্স পৰীক্ষা দিয়ে।[1] কিন্তু পৰীক্ষাত উত্তীৰ্ণ হ'ব নোৱাৰি পঢ়াৰ ইতি পেলায়।

কৰ্মজীৱন[সম্পাদনা কৰক]

১৮৯৩ মফিজুদ্দিন আহমদ হাজৰিকাই উত্তৰ লক্ষীমপুৰত ফৰেষ্টাৰ হিচাপে কৰ্মত নিয়োজিত হয়। তিনিবছৰ এই কাম কৰাৰ পাছত ১৮৯৬ চনত লক্ষ্মীপুৰ কাছাৰীত আমোলা হিচাপে যোগদান কৰে। ১৯০২ চনত ডিব্ৰুগড় কাছাৰীলৈ বদলি হয়। অৱসৰৰ সময়লৈ তেওঁ চিভিল পেস্কাৰ পদবী পাইছিল। ১৯২৬ চনত অৱসৰ লয়।[1]

সাহিত্যিক জীৱন[সম্পাদনা কৰক]

১৮৯৬ চনত এখেতৰ বিখ্যাত কবিতা পুথি জ্ঞান মালিনী প্ৰকাশিত হয়। আন এখনি কবিতা পুথি তত্ব পাৰিজাত। এই কবিতা পুথিখনৰ মাত্ৰ চাৰিটা কবিতাহে পোৱা যায়।[1]

১৯০৪ চনৰপৰা ১৯৩৪ চনলৈ সুদীৰ্ঘ ৩০ বছৰ কাল ধৰি মফিজুদ্দিন আহমদ হাজৰিকা ডিব্ৰুগড় সাহিত্য সভাৰ সম্পাদক আছিল। ১৯১৩ চনত শিৱসাগৰত বহা ছাত্ৰ সভাৰ সভাপতিত্ব কৰিছিল। ১৯৩০ চনত গোলাঘাটত অনুষ্ঠিত হোৱা অসম সাহিত্য সভাৰ সভাপতিত্ব কৰিছিল।[2][3] এখেতে সাহিত্যিক পেন্সন লাভ কৰিছিল।[1]

তথ্য সংগ্ৰহ[সম্পাদনা কৰক]

  1. 1.0 1.1 1.2 1.3 বৰ্মন, শিৱনাথ (২০০০). অসমীয়া জীৱনী অভিধান. চ'ফিয়া প্ৰেছ এণ্ড পাব্লিচাৰ্ছ প্ৰা: লি:, গুৱাহাটী. পৃষ্ঠা: ২১৪-২১৫
  2. Axom Xahitya Xabha (The Literary Society of Assam). www.assam.org আহৰণ কৰা তাৰিখ: ১০-১২-২০১২
  3. Presidents of Asam Sahitya Sabha since 1917. www.asamsahityasabha.com আহৰণ কৰা তাৰিখ: ১০-১২-২০১২