শোভা ব্ৰহ্ম

অসমীয়া ৱিকিপিডিয়াৰ পৰা
Jump to navigation Jump to search
শোভা ব্ৰহ্ম
জন্ম ১৯২৯ চনৰ ১৪ অক্টোবৰ
কোকৰাঝাৰ জিলা
মৃত্যু ২০১২ চনৰ ৫ মাৰ্চ
পেচা চিত্ৰশিল্পী, ভাস্কৰ
ভাষা অসমীয়া

শোভা ব্ৰহ্ম (ইংৰাজী: Sobha Brahma) (জন্ম ১৪ অক্টোবৰ, ১৯২৯ মৃত্যু ৫ মাৰ্চ, ২০১২) অসমৰ এগৰাকী চিত্ৰ-শিল্পী আৰু ভাস্কৰ। তেখেতৰ স্ৰজিত শিল্প কৰ্মত উত্তৰ-পূব ভাৰতৰ সমাজ আৰু সংস্কৃতিৰ প্ৰভাৱত গঢ়ি উঠা এক একক শৈলী লক্ষ্য কৰা হয়, এই শৈলীত ৰাষ্ট্ৰীয় আৰু আন্তঃৰাষ্ট্ৰীয় পৰ্যায়লৈ নিয়াৰ বাবে তেখেতে যত্ন কৰে[1]

জীৱন আৰু কৰ্ম[সম্পাদনা কৰক]

১৯২৯ চনৰ ১৪ অক্টোবৰত কোকৰাঝাৰ জিলাৰ ভুমকাগাঁৱত তেখেতৰ জন্ম হয়৷ তেওঁৰ পিতৃৰ নাম আছিল হৰিচৰণ ব্ৰহ্ম আৰু মাতৃ দেৱশ্ৰী ব্ৰহ্ম৷[2]

শোভা ব্ৰহ্মই ১৯৫০ চনত ধুবুৰীৰ সাপটগ্ৰাম স্কুলৰ পৰা প্ৰৱেশিকা পৰীক্ষাত উৰ্ত্তীণ হৈ কটন কলেজত নামভৰ্ত্তি কৰে ৷ পিছলৈ ১৯৪৮ চনত কটন কলেজৰপৰা স্নাতক ডিগ্ৰী লৈ শান্তিনিকেতনলৈ যায় শিল্পৰ শিক্ষা ল'বলৈ। প্ৰখ্যাত চিত্ৰকৰ ৰামকিংকৰ বৈজ, ধীৰেন্দ্ৰকৃষ্ণ দেৱবৰ্মণ আৰু নন্দলাল বসুৰ অধীনত ব্ৰহ্মই শিক্ষা লাভ কৰে[1]। শান্তিনিকেতনৰপৰাই ১৯৫৭ত তেখেতে চাৰু-কলাৰ স্নাতক ডিগ্ৰী লাভ কৰে[3]। শান্তি নিকেতনৰ পৰা উভতি আহি তেখেতে গুৱাহাটীৰ তাৰিণীচৰণ চৌধুৰী বহুমুখী উচ্চতৰ মাধ্যমিক বিদ্যালয়ত শিল্পকলা বিষয়ত শিক্ষক হিচাপে কৰ্মজীৱনৰ পাতনি মেলে৷ ইয়াৰ পূৰ্বে 'প্ৰাগ'ত অনুষ্ঠিত চতুৰ্থ আন্তজাৰ্তিক ছাত্ৰ শিল্প প্ৰদৰ্শনীত তেওঁ ভাগ লৈছিল৷ ১৯৫৮ চনত গুৱাহাটী বিশ্ববিদ্যালয়ত জনজাতীয় সংস্কৃতি আৰু লোকসংস্কৃতি বিভাগৰ পৰা বড়ো, ৰাভা আৰু ডিমাচাসকলৰ শিল্প পৰম্পৰা বিষয়ত অধ্যয়নৰ বাবে বৃত্তি লাভ কৰা শোভা ব্ৰহ্মই[2]উত্তৰ-পূৱ ভাৰতৰ বিভিন্ন নৃগোষ্ঠীৰ স্বকীয় শিল্পৰ অনুপ্ৰেৰণাত নিজৰ অংকন আৰু স্থাপত্য শৈলী বিকাশ কৰে[4][5][1]

শোভা ব্ৰহ্ম গুৱাহাটীচৰকাৰী কলা মহাবিদ্যালয়ৰ প্ৰতিষ্ঠাপক অধ্যক্ষ আছিল[3]শংকৰদেৱ কলাক্ষেত্ৰৰ উপ-সভাপতি হিচাপে কাৰ্যনিৰ্বাহ কৰাৰ উপৰিও এখেত ললিত কলা একাডেমিৰ 'সাধাৰণ সভাৰ' সদস্য আছিল[1]

শোভা ব্ৰহ্মৰ জীৱনৰ ওপৰত শিৱানন বৰুৱাই "Shobha Brahma – the immaculate visionary" নামে এখন তথ্য-চিত্ৰ নিৰ্মান কৰে[6]। ইয়াত শোভা ব্ৰহ্মৰ ভূমিকাত বিক্ৰম নিজানেঅভিনয় কৰিছিল।

২০১২ চনৰ ৫ মাৰ্চ তাৰিখে বাৰ্ধক্যজনিত কাৰণত ৮২ বছৰ বয়সত গুৱাহাটীত এখেতৰ মৃত্যু হয়[3][1][5]

চিত্ৰশিল্পী, ভাস্কৰ শোভা ব্ৰহ্ম়়

বঁটা আৰু সন্মান[2][সম্পাদনা কৰক]

  1. অসম চৰকাৰৰ পৰা শিল্পী পেঞ্চন লাভ (১৯৯০)
  2. কমল কুমাৰী বৰুৱা ফাউণ্ডেশ্বনৰ পৰা আগবঢ়োৱা ৰাষ্ট্ৰীয় সাংস্কৃতিক সন্মান লাভ৷ (১৯৯১)[7]
  3. অসম চৰকাৰৰ পৰা বিষ্ণুপ্ৰসাদ ৰাভা বঁটা লাভ৷ (১৯৯৬)
  4. ডিব্ৰুগড় বিশ্ববিদ্যালয়ৰ পৰা ডি লিট ডিগ্ৰী লাভ৷ (২০০১)
  5. প্ৰণৱ বৰুৱা শিল্পী বঁটা৷ (২০০২)

প্ৰকাশিত সাহিত্য গ্ৰন্থ[2][সম্পাদনা কৰক]

  1. অসমীয়া : শিল্পকলাৰ নৱজন্ম, জীৱন আৰু চিত্ৰকলা, লিঅ'নাৰ্ডো ডা ভিঞ্চি
  2. অনুবাদ : ভাৰতীয় শিল্পকলা
  3. বড়ো : গোদান উধি৷ (কথা বৰেণ্য ১০০'ৰ সৌজন্যত)

সাৰ্থক সৃষ্টি[সম্পাদনা কৰক]

শোভা ব্ৰহ্মৰ শিল্প আৰু ভাস্কৰ্যত সমসাময়িক জীৱনৰ দ্বিধা-দ্বন্দ্ব, যন্ত্ৰণা-নিষ্ঠুৰতা, ভয়ংকৰ ৰূপ প্ৰতিফলিত হয়৷ তেওঁৰ কেইখনমান সাৰ্থক সৃষ্টি হ'ল- 'ডেথ', 'খেৰাই', 'ৰিলিজ', 'আফটাৰমেথ', 'টাৰ্মিনেল পিকাচাৰ-1990', 'জোৱান দ্য আৰ্ক', 'ডেড বাৰ্ড', 'দি ফক ডেঞ্চ', 'দি ছেপলিং' আদি৷ শিল্পকলাৰ মাধ্যমেৰেও তেওঁ সমাজ জীৱনৰ বিভিন্ন দিশ প্ৰতিফলিত কৰিছিল৷ 'ঊৰ্ধমুখী নাৰী', 'এমব্ৰেজ', 'অপ্সৰা', 'হল'ফৰ্ম', 'নায়িকা' আদি তেওঁৰ উল্লেখযোগ্য ভাস্কৰ্য৷[2]অসম উপত্যকা সাহিত্য বঁটা ৰ আৰ্হিটো তেখেতেই প্ৰস্তুত কৰিছিল[8]

তথ্য সংগ্ৰহ[সম্পাদনা কৰক]

  1. 1.0 1.1 1.2 1.3 1.4 "Eminent artist-sculptor Sobha Brahma dead, IBN Live News". Ibnlive.in.com. 2012-03-05. http://ibnlive.in.com/generalnewsfeed/news/eminent-artistsculptor-sobha-brahma-dead/971251.html। আহৰণ কৰা হৈছে: 2013-03-12. 
  2. 2.0 2.1 2.2 2.3 2.4 আমাৰ অসম, আহৰণ- ৬ মাৰ্চ ২০১২
  3. 3.0 3.1 3.2 "brings the Latest & Top Breaking News on Politics, G-20 summit, CHOGM 2011,Vice President's visit to Perth for CHOGM, Cricket, Sports, Business , State,Formula One in INDIA , Regional Language Audio Bulletins , Regional Language scripts & more". News On Air. 2012-08-15. http://www.newsonair.com/news.asp?cat=state&id=ST9001। আহৰণ কৰা হৈছে: 2013-03-12. 
  4. Bipuljyoti Saikia. "Bipuljyoti Saikia's Homepage : Art & Artists - Shobha Brahma". Oocities.org. http://www.oocities.org/bipuljyoti/art/shobhabrahma.html। আহৰণ কৰা হৈছে: 2013-03-12. 
  5. 5.0 5.1 Guwahati, Mar 5, 2012, (PTI) : (2012-03-05). "Eminent artist-sculptor Sobha Brahma dead". Deccanherald.com. http://www.deccanherald.com/content/232184/eminent-artist-sculptor-sobha-brahma.html। আহৰণ কৰা হৈছে: 2013-03-12. 
  6. TI Trade (1990-08-17). "Assam Tribune online". Assamtribune.com. http://www.assamtribune.com/jan3009/rv.html। আহৰণ কৰা হৈছে: 2013-03-12. 
  7. "The Kamal Kumari Foundation". Kkfindia.org. http://www.kkfindia.org/list_award.html। আহৰণ কৰা হৈছে: 2013-03-12. 
  8. অসমীয়া প্ৰতিদিন, আহৰণ কৰা তাৰিখঃ ০৬-০৩-২০১২

বাহ্যিক সংযোগ[সম্পাদনা কৰক]