চৈয়দ আব্দুল মালিক

চৈয়দ আব্দুল মালিক
জন্ম	১৫ জানুৱাৰী, ১৯১৯ নাহৰণি, গোলাঘাট
মৃত্যু	১৯ ডিচেম্বৰ, ২০০০
পেছা	গল্পকাৰ, ঔপন্যাসিক, নাট্যকাৰ আৰু কবি
ৰাষ্ট্ৰীয়তা	ভাৰতীয়

চৈয়দ আব্দুল মালিক (ইংৰাজী: Syed Abdul Malik, ১৯১৯-২০০০) অসমীয়া সাহিত্যৰ এজন বিশিষ্ট গল্পকাৰ, ঔপন্যাসিক, নাট্যকাৰ আৰু কবি। তেওঁ ২৫ খনৰো অধিক গল্প সংকলন, ৫০ খনতকৈ অধিক উপন্যাস, পাঁচখন কবিতা সংকলন, তিনিখন শিশু সাহিত্য আৰু ২০খন মঞ্চ অনাতাঁৰ নাট আৰু অলেখ প্ৰবন্ধ ৰচনা কৰিছিল। তেওঁ ১৯৭৭ চনত অসম সাহিত্য সভাৰ সভাপতি হয়। তেওঁ অঘৰী আত্মাৰ কাহিনী উপন্যাসৰ বাবে ১৯৭২ চনত সাহিত্য অকাডেমি বঁটা লাভ কৰাৰ উপৰিও ১৯৯২ চনত অসম উপত্যকা সাহিত্য বঁটা, ১৯৯৯ চনত শংকৰদেৱ বঁটা আৰু পদ্মশ্ৰী, পদ্মভূষণ সন্মান লাভ কৰে।

শিক্ষা

চৈয়দ আব্দুল মালিকৰ জন্ম ১৯১৯ চনৰ ১৫ জানুৱাৰীত হয়। গোলাঘাট জিলাৰ নাহৰণিত জন্ম গ্ৰহণ কৰা অসমীয়া কথা সাহিত্যৰ প্ৰবাদ পুৰুষ মালিকে যোৰহাট হাইস্কুলৰ পৰা প্ৰৱেশিকা, যোৰহাট মহাবিদ্যালয়ৰ পৰা আই এ আৰু কটন মহাবিদ্যালয়ৰ পৰা ১৯৪১ ত সুখ্যাতিৰে বি.এ. পৰীক্ষাত উত্তীৰ্ণ হয়। কেইবা বছৰ চাকৰি কৰাৰ পাছত ১৯৫১ ত বিশ্ববিদ্যালয়ৰ (?) পৰা অসমীয়া বিভাগত এম.এ. পৰীক্ষা প্ৰাইভেটকৈ দি সুখ্যাতিৰে উত্তীৰ্ণ হয়।

কৰ্মজীৱন

১৯৪২ ত আবকাৰী বিভাগৰ চাব ইন্সপেক্টৰ হিচাপে কৰ্ম জীৱন আৰম্ভ কৰা মালিকে সৈন্য বিভাগতো কাম কৰিছিল। ১৯৪৬ ত যোৰহাট মহাবিদ্যালয়ত পাৰ্ছী ভাষাৰ প্ৰবক্তা হিচাপে দুবছৰ কাম কৰি শ্বিলং-গুৱাহাটী অনাতাঁৰ কেন্দ্ৰত প্ৰ'গেম এচিষ্টেণ্ট হিচাপে যোগ দিয়ে। ডেৰ বছৰ এই কাম কৰাৰ পাছত ঢেকীয়াল হাইস্কুল আৰু কুৰালগুৰি হাইস্কুলত শিক্ষকতা কৰে। ১৯৫১ৰ পৰা ১৯৭৬ লৈ যোৰহাটৰ জে বি কলেজত অসমীয়া বিভাগৰ প্ৰবক্তা হিচাপে কাম কৰে। ১৯৬৩ৰ পৰা ১৯৬৯ লৈ সাহিত্য অকাডেমি কাউন্সিলৰ সদস্য হিচাপে থকা মালিক ১৯৬৯ত অসম সাহিত্য সভাৰ প্ৰধান সম্পাদক নিৰ্বাচিত হয়। ১৯৭৬ত ৰাজ্যসভাৰ সাংসদ হিচাপে নিৰ্বাচিত মালিকে তাৰ পাছৰ বছৰত অসম সাহিত্য সভাৰ অভয়াপুৰী অধিবেশনৰ সভাপতি হিচাপে নিৰ্বাচিত হয়। জীৱনৰ কোনো এক নিৰ্দিষ্ট দিশৰ সূত্ৰতে সীমাবদ্ধ নথকা মালিক ভাৰতীয় গণ নাট্য সংঘ আৰু কমিউনিষ্ট আন্দোলনৰ সৈতেও ডেকা বয়সত ওতপ্ৰোতভাৱে জড়িত আছিল।

মৃত্যু

চৈয়দ আব্দুল মালিকৰ ২০০০ চনৰ ১৯ ডিচেম্বৰত ৮৯ বছৰ বয়সত মৃত্যু হয়।

অসমীয়া সাহিত্যলৈ অৱদান

উপন্যাস বনজুই মাটিৰ চাকি সূৰুযমুখীৰ স্বপ্ন অঘৰী আত্মাৰ কাহিনী ৰথৰ চকৰী ঘূৰে ৰূপতীৰ্থৰ যাত্ৰী ধন্য নৰ তনু ভাল প্ৰেম অমৃতৰ নদী আদি। ড॰ অৰুনাভৰ অসম্পূৰ্ণ জীৱনী আধাৰশিলা এটা সূৰ্য, দুখন নদী আৰু এখন মৰুভূমি ওমলা ঘৰৰ ধূলি পহুমৰা হাবিৰ বাট জেতুকা পাতৰ দৰে অন্যযুগ ভিন্ন তীৰ্থ জীয়া জুৰিৰ ঘাট ফুলনিবাৰীৰ ব্ৰজপাত মণিচুনিৰ চকামকা গাঁথনিত তেজৰ কৰাল একাবেঁকা বৃত্ত স্বতী নক্ষত্ৰৰ ভস্ম ভূমিচম্পাৰ কপালৰ সেন্দূৰৰ ফোঁট মোৰ বাবে তুমি নুৰুবা মালতী ফুল বহুত বেদনা এটোপা চকুলো সোণালী সূতাৰে বন্ধা কেৱল প্ৰেমেৰেই যদি সিপাৰে প্ৰাণ সমুদ্ৰ জয়া মণিকা সুমেৰু,কুমেৰু আৰু এটা বাঁহী এটা ধূমকেতুৰ শৰশৰ্য্যা স্বপ্ন ভঙ্গ অগ্নিগৰ্ভা ছবিঘৰ বনজুই ৰূপাবৰীৰ পলস ফাগুনৰ শেষ হাঁহি অন্য নাম মৃত্যু বিৰিনা খাগৰি অন্ধকূপ কবিতাৰ নাম লাভা শৰীৰত একুৰা জুই বন্দৰ বেলুন উভতি অহাৰ গান আপোন আপোন স্বৰ্গ দোকমোকালি কণ্ঠহাৰ অন্য আকাশ অন্য তৰা ৰূপতীৰ্থৰ যাত্ৰী ৰজনীগন্ধাৰ চকুলো মনৱষ্যত্বৰ মৰিশালিত প্ৰাচীৰ আৰু প্ৰান্তৰ বিহমেটেকাৰ ফুল অমৰ মায়া ৰাতিৰ কবিতা মৌ ডিমৰুৰ কোঁহ প্ৰেম অমৃতৰ নদী মৌ মিঠা হৃদয়ৰ কথা বালিৰ বুকুল সোণৰ চেঁকুৰা

নাটক ৰাজদ্ৰহী মকৰাজাল অন্য এজনী শকুন্তলা দূৰৰ দেৱতা জোৱাৰৰ ঢৌ অ মোৰ আপোনাৰ দেশ আলহী ঘৰ কবিতা বেদুইন (১৯৪৮) স্বাক্ষৰ, স্বপ্ন দুস্বপ্ন আৰু অন্য কিছু কথা, ছন্দহীন ছন্দ, তোমাৰ কণ্ঠ, মোৰ গীত (গীত) গল্প সংকলন পোৰা গাঁৱত পহিলা বহাগ পৰশমনি এজনী নতুন ছোৱালী তিনিচকীয়া গাড়ী মৰহা পাপৰি হাঁহিৰে চকুলো ঢাকি ত্ৰিশূল আৱৰ্ত অৰিহণা শিল আৰু শিখা মৰম মৰম লাগে শিখৰে শিখৰে অস্থায়ী আৰু অন্তৰা ছয় নম্বৰ প্ৰশ্নৰ উত্তৰ বীভৎস বেদনা হাঁহি আৰু চকুলোৰ অসমীয়া প্ৰেমৰ গল্প হাস্যৰসৰ ৰচনা খিড়িকী হাঁহিমেই নে কান্দিমেই স্বামী অভঙানন্দ মিঞা মৌজাদাৰ ভৃত্য কিংকৰ গোলাম দাস অজগৰ জেলেপী ভ্ৰমণ কাহিনী মাজত মাথোন হিমালয় এটা চিনাকি দ্বীপৰ এই ৰেখা বালি বেলি আৰু জম জম অন্যান্য গ্ৰন্থ মাজত মাথোন হিমালয় অসমীয়া জিকিৰ আৰু জাৰী নানান ফুলৰ কৰণি সীৰলত একুৰা জুই সত্যৰ পথেৰ শান্তিৰ ৰথেৰে মুক্তিৰ জয়যাত্ৰা ৰাইজৰ মুখৰ মাত চুফি আৰু চুফিবাদ অসমীয়া ভাষাত মধ্য প্ৰাচ্য আৰু উত্তৰ ভাৰতৰ শব্দ-সম্ভাৰ মোৰ জীৱনৰ নহ'লবোৰ মোৰ জীৱনৰ আগে পিছে সোঁৱে-বাঁৱে

বঁটা আৰু সন্মান

বঁটা

বৰ্ষ	বঁটা	তথ্য
১৯৭২	সাহিত্য অকাডেমি বঁটা	অঘৰী আত্মাৰ কাহিনী উপন্যাসৰ বাবে
১৯৮৪	পদ্মশ্ৰী	অসমীয়া সাহিত্যলৈ যুগোৱা অৱদানৰ বাবে
১৯৯২	পদ্মবিভূষণ	অসমীয়া সাহিত্যলৈ যুগোৱা অৱদানৰ বাবে
১৯৯২	অসম উপত্যকা সাহিত্য বঁটা
১৯৯৯	শংকৰদেৱ বঁটা

তথ্য সংগ্ৰহ

সহায়ক গ্ৰন্থপূঞ্জী

• "পদ্মনাথ গোহাঞিবৰুৱাৰ পৰা ৰংবং তেৰাঙলৈ", লেখক: ড॰ ত্ৰিদিব গোস্বামী।

বাহ্যিক সংযোগ

• Renowned Litterateur Syed Abdul Malik Remembered
• Syed Abdul Malik's Novel Surujmukhir Sopno, a youtube video