১৯ ডিচেম্বৰ (ইংৰাজী: 19 December) হৈছে গ্ৰেগৰিয়ান বৰ্ষপঞ্জীৰ ৩৫৩তম (অধিবৰ্ষত ৩৫৪তম) দিন। বছৰটো শেষ হ’বলৈ এই দিনৰ পৰা মুঠ ১২টা দিন বাকী থাকে। এইদিনটোত ঘটা কেইটামান উল্লেখযোগ্য ঘটনা-
- ১৯০২ - অনুসন্ধানত প্ৰক্ৰিয়াত প্ৰথমবাৰৰ বাবে কোনো ব্যক্তিৰ আঙুলিৰ ছাপ ব্যৱহাৰ কৰা হয়। [1]
- ১৯০৭ - পেনচিলভেনিয়াৰ ৱেষ্টম'ৰলেণ্ড কাউণ্টিৰ ৰোষ্ট্ৰেভাৰ টাউনশ্বিপৰ ভেন মিটাৰত হোৱা ডাৰ মাইন দুৰ্যোগত ২৩৯ জন কয়লা খনি শ্ৰমিকৰ মৃত্যু হয়। ই পেনচিলভেনিয়াৰ ইতিহাসৰ আটাইতকৈ ভয়ংকৰ কয়লা খনন দুৰ্যোগ হিচাপে স্থান লাভ কৰে। বহুতো ভুক্তভোগী মধ্য ইউৰোপৰ পৰা অহা অনুপ্ৰৱেশকাৰীৰ আছিল, যাৰ ভিতৰত আছিল ৰুচিন, হাংগেৰিয়ান (জেমাৰ আৰু আবোভৰ স্লোভাকসহ - তেতিয়া অষ্ট্ৰিয়া-হাংগেৰীৰ অংশ), অষ্ট্ৰিয়ান, জাৰ্মান, মেৰু আৰু ইটালিয়ান।
- ১৯২৯ – ভাৰতীয় জাতীয় কংগ্ৰেছ-এ পূৰ্ণ স্বৰাজৰ (ভাৰতৰ স্বাধীনতা) দাবী ঘোষণা কৰে।
- ১৯৮৩ – মূল ফিফা বিশ্বকাপৰ ট্ৰফী জুলছ ৰিমেট ট্ৰফী ব্ৰাজিলৰ ৰিঅ' ডি জেনেৰিঅ'ত থকা ব্ৰাজিলিয়ান ফুটবল কনফেডাৰেচনৰ মুখ্য কাৰ্যালয়ৰ পৰা চুৰি হয়।
- ১৯৯৮ – ৰাষ্ট্ৰপতি বিল ক্লিণ্টনৰ ওপৰত আমেৰিকা যুক্তৰাষ্ট্ৰৰ ১০৫ সংখ্যক কংগ্ৰেছৰ প্ৰতিনিধি সভাই বিভিন্ন অপৰাধৰ বাবে মহাভিযোগ তোলে, যাৰ বাবে মহাভিযোগ তোলা তেওঁ আমেৰিকা যুক্তৰাষ্ট্ৰৰ দ্বিতীয়গৰাকী ৰাষ্ট্ৰপতি হিচাপে পৰিগণিত হয় ।
- ২০২০ - গোৱাত অনুষ্ঠিত হোৱা আন্তঃৰাষ্ট্ৰীয় চলচ্চিত্ৰ মহোৎসৱত ভাৰতীয় পেনোৰামলৈ তিনি বছৰৰ মূৰত কৃপাল কলিতা পৰিচালিত অসমীয়া ছবি ব্ৰীজ নিৰ্বাচিত হয়। ব্ৰীজ ছবিখন বানপানী বিষয়ক আধাৰ হিচাপে লৈ কৰা চলচ্চিত্ৰ। বানপীড়িত লোকসকলৰ দুখ-দুৰ্দশা এই ছবিখনত উপস্থাপন কৰা হৈছে। ঢকুৱাখনাৰ সোণাৰি চাপৰিত দৃশ্যগ্ৰহণ সম্পন্ন কৰা ব্ৰীজ চলচ্চিত্ৰত নৈপৰীয়া এগৰাকী যুৱতীৰ জীৱন যন্ত্ৰণা দেখুওৱা হৈছে। উল্লেখ্য যে ৰমা কুমাৰ দাস আৰু সবিতা দেৱীৰ প্ৰযোজনাত এই ছবিখন নিৰ্মাণ হৈছে।
- ২০২১ - মুখ্যমন্ত্ৰী ড° হিমন্ত বিশ্ব শৰ্মায়ে গুৱাহাটী গীতানগৰস্থিত শ্ৰীশ্ৰী দক্ষিণপাট সত্ৰ শান্তি আশ্ৰমত ভগৱান শ্ৰীকৃষ্ণৰ ২৪ অৱতাৰ চিহ্নিত বস্ত্ৰ উন্মোচন কৰে।
- ২০২১ - অসমৰ পৰ্যটন ক্ষেত্ৰলৈ এক নতুন দুৱাৰ মুকলি কৰি শুভাৰম্ভ হয় গুৱাহাটী-নাহৰলগুন আৰু তিনিচুকীয়া-নাহৰলগুনৰ মাজত ভিষ্টাডোম ৰে'ল সেৱা। দুয়োখন ৰাজ্যৰ মুখ্যমন্ত্ৰী আৰু ৰে'ল ৰাজ্যমন্ত্ৰীয়ে এই কাৰ্যৰ শুভাৰম্ভ কৰে। ইয়াৰ উপৰি গুৱাহাটী আৰু হাফলংৰ মাজত চলি থকা ভিষ্টাডোম ৰে'ল সেৱা বৰাকৰ বদৰপুৰলৈ সম্প্ৰসাৰণ কৰা হয়।
- ১৯৩৪ - প্ৰতিভা পাটিল, প্ৰকৃত নাম প্ৰতিভা দেৱী সিং পাটিল। এগৰাকী ভাৰতীয় ৰাজনীতিবিদ আৰু অধিবক্তা, যি ২০০৭ চনৰ পৰা ২০১২ চনলৈ ভাৰতবৰ্ষৰ দ্বাদশ ৰাষ্ট্ৰপতি হিচাপে কাৰ্যনিৰ্বাহ কৰিছিল। তেওঁ ভাৰতবৰ্ষৰ ৰাষ্ট্ৰপতি পদত অধিষ্ঠিত হোৱা প্ৰথম গৰাকী মহিলা। ভাৰতীয় জাতীয় কংগ্ৰেছৰ এগৰাকী সদস্য। মাত্ৰ ২৭ বছৰ বয়সতে ৰাজনীতিত প্ৰৱেশ কৰা পাৰিলে ১৯৬৭ চনত মহাৰাষ্ট্ৰ বিধানসভালৈ নিৰ্বাচিত হয়, ১৯৮৫ চনত ৰাজ্যসভালৈ আৰু ১৯৯১ চনৰ দশম লোকসভাত অমৰাৱতী সমষ্টিক প্ৰতিনিধিত্ব কৰে। ৰাজনীতিৰ পৰা অৱসৰ গ্ৰহণ কৰা এটা দশকৰ পিছত ২০০৪ চনৰ ৮ নৱেম্বৰত তেওঁক ৰাজস্থানৰ ১৭ সংখ্যক ৰাজ্যপাল হিচাপে নিযুক্ত হয় আৰু সেই পদত অধিষ্ঠিত হোৱা প্ৰথম গৰাকী মহিলা হিচাপে পৰিগণিত হয়। [1]
- ১৯৩৭ - কৃষ্ণা দাশগুপ্ত, ভাৰতীয় কণ্ঠশিল্পী।
- ১৮৭৩ - চাৰ উপেন্দ্ৰনাথ ব্ৰহ্মচাৰী, তেওঁ ব্ৰিটিছ শাসনাধিষ্ঠ ভাৰতবৰ্ষৰ এগৰাকী আগশাৰীৰ ভাৰতীয় চিকিৎসক আৰু বিজ্ঞানী আছিল। তেওঁ ১৯২২ চনত ইউৰিয়া-ষ্টিবামাইন (কাৰ্বোষ্টিবাইড) সংশ্লেষণ কৰিছিল আৰু নিৰ্ধাৰণ কৰিছিল যে ই ক'লাজ্বৰৰ (ভিচেৰেল লিচমেনিয়াচিছ) বাবে এক উপযুক্ত চিকিৎসা। ব্ৰিটিছ চৰকাৰে তেওঁক ৰায় বাহাদুৰ উপাধি প্ৰদান কৰিছিল। [1]
- ১৯৬৯ - নয়ন মংগিয়া, ভাৰতীয় ক্ৰিকেটাৰ।[1]
- ১৮৬০ - লৰ্ড ডেলহাউছি, ভাৰতৰ গবৰ্ণৰ জেনেৰেল।
- ১৯২৭ - ৰাম প্ৰসাদ বিস্মিল, ভাৰতীয় কবি তথা সংগ্ৰামী।
- ১৯২৭ - আশফাকুল্লা খান, ভাৰতীয় স্বাধীনতা আন্দোলনৰ কৰ্মী আৰু হিন্দুস্তান ছ'চিয়েলিষ্ট ৰিপাব্লিকান এছ'চিয়েচনৰ সহ-প্ৰতিষ্ঠাপক। ভাৰতীয় স্বাধীনতা সংগ্ৰামৰ বাবে ফাঁচী দিয়া আটাইতকৈ কম বয়সীয়াল ব্যক্তি আছিল আশফাকুল্লা খান।
- ২০১৬ - অনুপম মিশ্ৰ, ভাৰতীয় গান্ধীবাদী, লেখক, পৰিৱেশবিদ, টেড বক্তা আৰু পানী সংৰক্ষক।
